פסוקים על Ethiopia: Defeated by Asa

7 פסוקים · 15 היבטים

פסוקים על Defeated by Asa

  1. 2 דִּבְרֵי הַיָּמִים י״ד:ט׳

    ויצא אליהם זרח הכושי בחיל אלף אלפים ומרכבות שלש מאות ויבא עד מרשה׃

  2. 2 דִּבְרֵי הַיָּמִים י״ד:י׳

    ויצא אסא לפניו ויערכו מלחמה בגיא צפתה למרשה׃

  3. 2 דִּבְרֵי הַיָּמִים י״ד:י״א

    ויקרא אסא אל יהוה אלהיו ויאמר יהוה אין עמך לעזור בין רב לאין כח עזרנו יהוה אלהינו כי עליך נשענו ובשמך באנו על ההמון הזה יהוה אלהינו אתה אל יעצר עמך אנוש׃

  4. 2 דִּבְרֵי הַיָּמִים י״ד:י״ב

    ויגף יהוה את הכושים לפני אסא ולפני יהודה וינסו הכושים׃

  5. 2 דִּבְרֵי הַיָּמִים י״ד:י״ג

    וירדפם אסא והעם אשר עמו עד לגרר ויפל מכושים לאין להם מחיה כי נשברו לפני יהוה ולפני מחנהו וישאו שלל הרבה מאד׃

  6. 2 דִּבְרֵי הַיָּמִים י״ד:י״ד

    ויכו את כל הערים סביבות גרר כי היה פחד יהוה עליהם ויבזו את כל הערים כי בזה רבה היתה בהם׃

  7. 2 דִּבְרֵי הַיָּמִים י״ד:ט״ו

    וגם אהלי מקנה הכו וישבו צאן לרב וגמלים וישבו ירושלם׃