פסוקים על Blasphemy: General references

ויצא בן אשה ישראלית והוא בן איש מצרי בתוך בני ישראל וינצו במחנה בן הישראלית ואיש הישראלי׃

ויקב בן האשה הישראלית את השם ויקלל ויביאו אתו אל משה ושם אמו שלמית בת דברי למטה דן׃

ויניחהו במשמר לפרש להם על פי יהוה׃

וידבר יהוה אל משה לאמר׃

הוצא את המקלל אל מחוץ למחנה וסמכו כל השמעים את ידיהם על ראשו ורגמו אתו כל העדה׃

ואל בני ישראל תדבר לאמר איש איש כי יקלל אלהיו ונשא חטאו׃

ונקב שם יהוה מות יומת רגום ירגמו בו כל העדה כגר כאזרח בנקבו שם יומת׃

אם קראתי ויענני לא אאמין כי יאזין קולי׃

אשר בשערה ישופני והרבה פצעי חנם׃

לא יתנני השב רוחי כי ישבעני ממררים׃

יסר מעלי שבטו ואמתו אל תבעתני׃

אדברה ולא איראנו כי לא כן אנכי עמדי׃

אמר אל אלוה אל תרשיעני הודיעני על מה תריבני׃

הטוב לך כי תעשק כי תמאס יגיע כפיך ועל עצת רשעים הופעת׃

העיני בשר לך אם כראות אנוש תראה׃

הכימי אנוש ימיך אם שנותיך כימי גבר׃

כי תבקש לעוני ולחטאתי תדרוש׃

על דעתך כי לא ארשע ואין מידך מציל׃

הלאל תדברו עולה ולו תדברו רמיה׃

הפניו תשאון אם לאל תריבון׃

הטוב כי יחקר אתכם אם כהתל באנוש תהתלו בו׃

העלה נדף תערוץ ואת קש יבש תרדף׃

כי תכתב עלי מררות ותורישני עונות נעורי׃

ותשם בסד רגלי ותשמור כל ארחותי על שרשי רגלי תתחקה׃

כי נטה אל אל ידו ואל שדי יתגבר׃