פסוקים על Bezaleel

13 פסוקים · 2 היבטים

פסוקי מפתח

  1. שְׁמֹות ל״ה:ל׳

    ויאמר משה אל בני ישראל ראו קרא יהוה בשם בצלאל בן אורי בן חור למטה יהודה׃

  2. שְׁמֹות ל״ה:ל״א

    וימלא אתו רוח אלהים בחכמה בתבונה ובדעת ובכל מלאכה׃

  3. שְׁמֹות ל״ה:ל״ב

    ולחשב מחשבת לעשת בזהב ובכסף ובנחשת׃

  4. שְׁמֹות ל״ה:ל״ג

    ובחרשת אבן למלאת ובחרשת עץ לעשות בכל מלאכת מחשבת׃

  5. שְׁמֹות ל״ה:ל״ד

    ולהורת נתן בלבו הוא ואהליאב בן אחיסמך למטה דן׃

  6. שְׁמֹות ל״ה:ל״ה

    מלא אתם חכמת לב לעשות כל מלאכת חרש וחשב ורקם בתכלת ובארגמן בתולעת השני ובשש וארג עשי כל מלאכה וחשבי מחשבת׃

  7. שְׁמֹות ל״ח:א׳

    ¶ ויעש את מזבח העלה עצי שטים חמש אמות ארכו וחמש אמות רחבו רבוע ושלש אמות קמתו׃

  8. שְׁמֹות ל״ח:ב׳

    ויעש קרנתיו על ארבע פנתיו ממנו היו קרנתיו ויצף אתו נחשת׃

  9. שְׁמֹות ל״ח:ג׳

    ויעש את כל כלי המזבח את הסירת ואת היעים ואת המזרקת את המזלגת ואת המחתת כל כליו עשה נחשת׃

  10. שְׁמֹות ל״ח:ד׳

    ויעש למזבח מכבר מעשה רשת נחשת תחת כרכבו מלמטה עד חציו׃

  11. שְׁמֹות ל״ח:ה׳

    ויצק ארבע טבעת בארבע הקצות למכבר הנחשת בתים לבדים׃

  12. שְׁמֹות ל״ח:ו׳

    ויעש את הבדים עצי שטים ויצף אתם נחשת׃

  13. שְׁמֹות ל״ח:ז׳

    ויבא את הבדים בטבעת על צלעת המזבח לשאת אתו בהם נבוב לחת עשה אתו׃