פסוקים על Bashan

13 פסוקים · 8 היבטים

פסוקי מפתח

  1. דְּבָרִים ג׳:י׳

    כל ערי המישר וכל הגלעד וכל הבשן עד סלכה ואדרעי ערי ממלכת עוג בבשן׃

  2. דְּבָרִים ג׳:י״א

    כי רק עוג מלך הבשן נשאר מיתר הרפאים הנה ערשו ערש ברזל הלה הוא ברבת בני עמון תשע אמות ארכה וארבע אמות רחבה באמת איש׃

  3. דְּבָרִים ג׳:י״ב

    ואת הארץ הזאת ירשנו בעת ההוא מערער אשר על נחל ארנן וחצי הר הגלעד ועריו נתתי לראובני ולגדי׃

  4. דְּבָרִים ג׳:י״ג

    ויתר הגלעד וכל הבשן ממלכת עוג נתתי לחצי שבט המנשה כל חבל הארגב לכל הבשן ההוא יקרא ארץ רפאים׃

  5. דְּבָרִים ג׳:י״ד

    יאיר בן מנשה לקח את כל חבל ארגב עד גבול הגשורי והמעכתי ויקרא אתם על שמו את הבשן חות יאיר עד היום הזה׃

  6. יְהוֹשֻעַ י״ב:ד׳

    וגבול עוג מלך הבשן מיתר הרפאים היושב בעשתרות ובאדרעי׃

  7. יְהוֹשֻעַ י״ב:ה׳

    ומשל בהר חרמון ובסלכה ובכל הבשן עד גבול הגשורי והמעכתי וחצי הגלעד גבול סיחון מלך חשבון׃

  8. יְהוֹשֻעַ י״ב:ו׳

    משה עבד יהוה ובני ישראל הכום ויתנה משה עבד יהוה ירשה לראובני ולגדי ולחצי שבט המנשה׃

  9. יְהוֹשֻעַ י״ג:כ״ט

    ויתן משה לחצי שבט מנשה ויהי לחצי מטה בני מנשה למשפחותם׃

  10. יְהוֹשֻעַ י״ג:ל׳

    ויהי גבולם ממחנים כל הבשן כל ממלכות עוג מלך הבשן וכל חות יאיר אשר בבשן ששים עיר׃

  11. יְהוֹשֻעַ י״ג:ל״א

    וחצי הגלעד ועשתרות ואדרעי ערי ממלכות עוג בבשן לבני מכיר בן מנשה לחצי בני מכיר למשפחותם׃

  12. 2 מְלָכִים י׳:ל״ב

    בימים ההם החל יהוה לקצות בישראל ויכם חזאל בכל גבול ישראל׃

  13. 2 מְלָכִים י׳:ל״ג

    מן הירדן מזרח השמש את כל ארץ הגלעד הגדי והראובני והמנשי מערער אשר על נחל ארנן והגלעד והבשן׃