פסוקים על Abraham: Circumcision of

10 פסוקים · 39 היבטים

פסוקים על Circumcision of

בְּרֵאשִׁית י״ז:י׳
זאת בריתי אשר תשמרו ביני וביניכם ובין זרעך אחריך המול לכם כל זכר׃
בְּרֵאשִׁית י״ז:י״א
ונמלתם את בשר ערלתכם והיה לאות ברית ביני וביניכם׃
בְּרֵאשִׁית י״ז:י״ב
ובן שמנת ימים ימול לכם כל זכר לדרתיכם יליד בית ומקנת כסף מכל בן נכר אשר לא מזרעך הוא׃
בְּרֵאשִׁית י״ז:י״ג
המול ימול יליד ביתך ומקנת כספך והיתה בריתי בבשרכם לברית עולם׃
בְּרֵאשִׁית י״ז:י״ד
וערל זכר אשר לא ימול את בשר ערלתו ונכרתה הנפש ההוא מעמיה את בריתי הפר׃
בְּרֵאשִׁית י״ז:כ״ג
ויקח אברהם את ישמעאל בנו ואת כל ילידי ביתו ואת כל מקנת כספו כל זכר באנשי בית אברהם וימל את בשר ערלתם בעצם היום הזה כאשר דבר אתו אלהים׃
בְּרֵאשִׁית י״ז:כ״ד
ואברהם בן תשעים ותשע שנה בהמלו בשר ערלתו׃
בְּרֵאשִׁית י״ז:כ״ה
וישמעאל בנו בן שלש עשרה שנה בהמלו את בשר ערלתו׃
בְּרֵאשִׁית י״ז:כ״ו
בעצם היום הזה נמול אברהם וישמעאל בנו׃
בְּרֵאשִׁית י״ז:כ״ז
וכל אנשי ביתו יליד בית ומקנת כסף מאת בן נכר נמלו אתו׃