circa 1446–1406 BC

The Wilderness Years

Forty years of wandering in the desert test Israel's faith and prepare a new generation to enter the promised land.

2,247 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. דְּבָרִים כ״ח:מ״דבערך תנ״א לפנה״ס

    הוא ילוך ואתה לא תלונו הוא יהיה לראש ואתה תהיה לזנב׃

  2. דְּבָרִים כ״ח:מ״הבערך תנ״א לפנה״ס

    ובאו עליך כל הקללות האלה ורדפוך והשיגוך עד השמדך כי לא שמעת בקול יהוה אלהיך לשמר מצותיו וחקתיו אשר צוך׃

  3. דְּבָרִים כ״ח:מ״ובערך תנ״א לפנה״ס

    והיו בך לאות ולמופת ובזרעך עד עולם׃

  4. דְּבָרִים כ״ח:מ״זבערך תנ״א לפנה״ס

    תחת אשר לא עבדת את יהוה אלהיך בשמחה ובטוב לבב מרב כל׃

  5. דְּבָרִים כ״ח:מ״חבערך תנ״א לפנה״ס

    ועבדת את איביך אשר ישלחנו יהוה בך ברעב ובצמא ובעירם ובחסר כל ונתן על ברזל על צוארך עד השמידו אתך׃

  6. דְּבָרִים כ״ח:מ״טבערך תנ״א לפנה״ס

    ישא יהוה עליך גוי מרחוק מקצה הארץ כאשר ידאה הנשר גוי אשר לא תשמע לשנו׃

  7. דְּבָרִים כ״ח:נ׳בערך תנ״א לפנה״ס

    גוי עז פנים אשר לא ישא פנים לזקן ונער לא יחן׃

  8. דְּבָרִים כ״ח:נ״אבערך תנ״א לפנה״ס

    ואכל פרי בהמתך ופרי אדמתך עד השמדך אשר לא ישאיר לך דגן תירוש ויצהר שגר אלפיך ועשתרת צאנך עד האבידו אתך׃

  9. דְּבָרִים כ״ח:נ״בבערך תנ״א לפנה״ס

    והצר לך בכל שעריך עד רדת חמתיך הגבהות והבצרות אשר אתה בטח בהן בכל ארצך והצר לך בכל שעריך בכל ארצך אשר נתן יהוה אלהיך לך׃

  10. דְּבָרִים כ״ח:נ״גבערך תנ״א לפנה״ס

    ואכלת פרי בטנך בשר בניך ובנתיך אשר נתן לך יהוה אלהיך במצור ובמצוק אשר יציק לך איבך׃

  11. דְּבָרִים כ״ח:נ״דבערך תנ״א לפנה״ס

    האיש הרך בך והענג מאד תרע עינו באחיו ובאשת חיקו וביתר בניו אשר יותיר׃

  12. דְּבָרִים כ״ח:נ״הבערך תנ״א לפנה״ס

    מתת לאחד מהם מבשר בניו אשר יאכל מבלי השאיר לו כל במצור ובמצוק אשר יציק לך איבך בכל שעריך׃

  13. דְּבָרִים כ״ח:נ״ובערך תנ״א לפנה״ס

    הרכה בך והענגה אשר לא נסתה כף רגלה הצג על הארץ מהתענג ומרך תרע עינה באיש חיקה ובבנה ובבתה׃

  14. דְּבָרִים כ״ח:נ״זבערך תנ״א לפנה״ס

    ובשליתה היוצת מבין רגליה ובבניה אשר תלד כי תאכלם בחסר כל בסתר במצור ובמצוק אשר יציק לך איבך בשעריך׃

  15. דְּבָרִים כ״ח:נ״חבערך תנ״א לפנה״ס

    אם לא תשמר לעשות את כל דברי התורה הזאת הכתובים בספר הזה ליראה את השם הנכבד והנורא הזה את יהוה אלהיך׃

  16. דְּבָרִים כ״ח:נ״טבערך תנ״א לפנה״ס

    והפלא יהוה את מכתך ואת מכות זרעך מכות גדלות ונאמנות וחלים רעים ונאמנים׃

  17. דְּבָרִים כ״ח:ס׳בערך תנ״א לפנה״ס

    והשיב בך את כל מדוה מצרים אשר יגרת מפניהם ודבקו בך׃

  18. דְּבָרִים כ״ח:ס״אבערך תנ״א לפנה״ס

    גם כל חלי וכל מכה אשר לא כתוב בספר התורה הזאת יעלם יהוה עליך עד השמדך׃

  19. דְּבָרִים כ״ח:ס״בבערך תנ״א לפנה״ס

    ונשארתם במתי מעט תחת אשר הייתם ככוכבי השמים לרב כי לא שמעת בקול יהוה אלהיך׃

  20. דְּבָרִים כ״ח:ס״גבערך תנ״א לפנה״ס

    והיה כאשר שש יהוה עליכם להיטיב אתכם ולהרבות אתכם כן ישיש יהוה עליכם להאביד אתכם ולהשמיד אתכם ונסחתם מעל האדמה אשר אתה בא שמה לרשתה׃

  21. דְּבָרִים כ״ח:ס״דבערך תנ״א לפנה״ס

    והפיצך יהוה בכל העמים מקצה הארץ ועד קצה הארץ ועבדת שם אלהים אחרים אשר לא ידעת אתה ואבתיך עץ ואבן׃

  22. דְּבָרִים כ״ח:ס״הבערך תנ״א לפנה״ס

    ובגוים ההם לא תרגיע ולא יהיה מנוח לכף רגלך ונתן יהוה לך שם לב רגז וכליון עינים ודאבון נפש׃

  23. דְּבָרִים כ״ח:ס״ובערך תנ״א לפנה״ס

    והיו חייך תלאים לך מנגד ופחדת לילה ויומם ולא תאמין בחייך׃

  24. דְּבָרִים כ״ח:ס״זבערך תנ״א לפנה״ס

    בבקר תאמר מי יתן ערב ובערב תאמר מי יתן בקר מפחד לבבך אשר תפחד וממראה עיניך אשר תראה׃

  25. דְּבָרִים כ״ח:ס״חבערך תנ״א לפנה״ס

    והשיבך יהוה מצרים באניות בדרך אשר אמרתי לך לא תסיף עוד לראתה והתמכרתם שם לאיביך לעבדים ולשפחות ואין קנה׃