עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְחֶזְקֵאל ל״א:י״ח

    אל מי דמית ככה בכבוד ובגדל בעצי עדן והורדת את עצי עדן אל ארץ תחתית בתוך ערלים תשכב את חללי חרב הוא פרעה וכל המונה נאם אדני יהוה׃

  2. יְחֶזְקֵאל ל״ב:א׳

    ¶ ויהי בשתי עשרה שנה בשני עשר חדש באחד לחדש היה דבר יהוה אלי לאמר׃

  3. יְחֶזְקֵאל ל״ב:ג׳

    כה אמר אדני יהוה ופרשתי עליך את רשתי בקהל עמים רבים והעלוך בחרמי׃

  4. יְחֶזְקֵאל ל״ב:ד׳

    ונטשתיך בארץ על פני השדה אטילך והשכנתי עליך כל עוף השמים והשבעתי ממך חית כל הארץ׃

  5. יְחֶזְקֵאל ל״ב:ה׳

    ונתתי את בשרך על ההרים ומלאתי הגאיות רמותך׃

  6. יְחֶזְקֵאל ל״ב:ו׳

    והשקיתי ארץ צפתך מדמך אל ההרים ואפקים ימלאון ממך׃

  7. יְחֶזְקֵאל ל״ב:ז׳

    וכסיתי בכבותך שמים והקדרתי את ככביהם שמש בענן אכסנו וירח לא יאיר אורו׃

  8. יְחֶזְקֵאל ל״ב:ח׳

    כל מאורי אור בשמים אקדירם עליך ונתתי חשך על ארצך נאם אדני יהוה׃

  9. יְחֶזְקֵאל ל״ב:ט׳

    והכעסתי לב עמים רבים בהביאי שברך בגוים על ארצות אשר לא ידעתם׃

  10. יְחֶזְקֵאל ל״ב:י׳

    והשמותי עליך עמים רבים ומלכיהם ישערו עליך שער בעופפי חרבי על פניהם וחרדו לרגעים איש לנפשו ביום מפלתך׃

  11. יְחֶזְקֵאל ל״ב:י״א

    כי כה אמר אדני יהוה חרב מלך בבל תבואך׃

  12. יְחֶזְקֵאל ל״ב:י״ב

    בחרבות גבורים אפיל המונך עריצי גוים כלם ושדדו את גאון מצרים ונשמד כל המונה׃

  13. יְחֶזְקֵאל ל״ב:י״ג

    והאבדתי את כל בהמתה מעל מים רבים ולא תדלחם רגל אדם עוד ופרסות בהמה לא תדלחם׃

  14. יְחֶזְקֵאל ל״ב:י״ד

    אז אשקיע מימיהם ונהרותם כשמן אוליך נאם אדני יהוה׃

  15. יְחֶזְקֵאל ל״ב:ט״ו

    בתתי את ארץ מצרים שממה ונשמה ארץ ממלאה בהכותי את כל יושבי בה וידעו כי אני יהוה׃

  16. יְחֶזְקֵאל ל״ב:ט״ז

    קינה היא וקוננוה בנות הגוים תקוננה אותה על מצרים ועל כל המונה תקוננה אותה נאם אדני יהוה׃

  17. יְחֶזְקֵאל ל״ב:י״ז

    ויהי בשתי עשרה שנה בחמשה עשר לחדש היה דבר יהוה אלי לאמר׃

  18. יְחֶזְקֵאל ל״ב:ל״א

    אותם יראה פרעה ונחם על כל המונה חללי חרב פרעה וכל חילו נאם אדני יהוה׃

  19. יְחֶזְקֵאל ל״ב:ל״ב

    כי נתתי את חתיתו בארץ חיים והשכב בתוך ערלים את חללי חרב פרעה וכל המונה נאם אדני יהוה׃

  20. יְחֶזְקֵאל ל״ג:א׳

    ¶ ויהי דבר יהוה אלי לאמר׃

  21. יְחֶזְקֵאל ל״ג:ב׳

    בן אדם דבר אל בני עמך ואמרת אליהם ארץ כי אביא עליה חרב ולקחו עם הארץ איש אחד מקציהם ונתנו אתו להם לצפה׃

  22. יְחֶזְקֵאל ל״ג:ו׳

    והצפה כי יראה את החרב באה ולא תקע בשופר והעם לא נזהר ותבוא חרב ותקח מהם נפש הוא בעונו נלקח ודמו מיד הצפה אדרש׃

  23. יְחֶזְקֵאל ל״ג:ז׳

    ואתה בן אדם צפה נתתיך לבית ישראל ושמעת מפי דבר והזהרת אתם ממני׃

  24. יְחֶזְקֵאל ל״ג:ח׳

    באמרי לרשע רשע מות תמות ולא דברת להזהיר רשע מדרכו הוא רשע בעונו ימות ודמו מידך אבקש׃

  25. יְחֶזְקֵאל ל״ג:י״א

    אמר אליהם חי אני נאם אדני יהוה אם אחפץ במות הרשע כי אם בשוב רשע מדרכו וחיה שובו שובו מדרכיכם הרעים ולמה תמותו בית ישראל׃