עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יִרְמְיָהוּ ט״ו:כ״א

    והצלתיך מיד רעים ופדתיך מכף ערצים׃

  2. יִרְמְיָהוּ ט״ז:א׳

    ¶ ויהי דבר יהוה אלי לאמר׃

  3. יִרְמְיָהוּ ט״ז:ג׳

    כי כה אמר יהוה על הבנים ועל הבנות הילודים במקום הזה ועל אמתם הילדות אותם ועל אבותם המולדים אותם בארץ הזאת׃

  4. יִרְמְיָהוּ ט״ז:ה׳

    כי כה אמר יהוה אל תבוא בית מרזח ואל תלך לספוד ואל תנד להם כי אספתי את שלומי מאת העם הזה נאם יהוה את החסד ואת הרחמים׃

  5. יִרְמְיָהוּ ט״ז:ט׳

    כי כה אמר יהוה צבאות אלהי ישראל הנני משבית מן המקום הזה לעיניכם ובימיכם קול ששון וקול שמחה קול חתן וקול כלה׃

  6. יִרְמְיָהוּ ט״ז:י׳

    והיה כי תגיד לעם הזה את כל הדברים האלה ואמרו אליך על מה דבר יהוה עלינו את כל הרעה הגדולה הזאת ומה עוננו ומה חטאתנו אשר חטאנו ליהוה אלהינו׃

  7. יִרְמְיָהוּ ט״ז:י״א

    ואמרת אליהם על אשר עזבו אבותיכם אותי נאם יהוה וילכו אחרי אלהים אחרים ויעבדום וישתחוו להם ואתי עזבו ואת תורתי לא שמרו׃

  8. יִרְמְיָהוּ ט״ז:י״ב

    ואתם הרעתם לעשות מאבותיכם והנכם הלכים איש אחרי שררות לבו הרע לבלתי שמע אלי׃

  9. יִרְמְיָהוּ ט״ז:י״ג

    והטלתי אתכם מעל הארץ הזאת על הארץ אשר לא ידעתם אתם ואבותיכם ועבדתם שם את אלהים אחרים יומם ולילה אשר לא אתן לכם חנינה׃

  10. יִרְמְיָהוּ ט״ז:י״ד

    לכן הנה ימים באים נאם יהוה ולא יאמר עוד חי יהוה אשר העלה את בני ישראל מארץ מצרים׃

  11. יִרְמְיָהוּ ט״ז:ט״ו

    כי אם חי יהוה אשר העלה את בני ישראל מארץ צפון ומכל הארצות אשר הדיחם שמה והשבתים על אדמתם אשר נתתי לאבותם׃

  12. יִרְמְיָהוּ ט״ז:ט״ז

    הנני שלח לדוגים רבים נאם יהוה ודיגום ואחרי כן אשלח לרבים צידים וצדום מעל כל הר ומעל כל גבעה ומנקיקי הסלעים׃

  13. יִרְמְיָהוּ ט״ז:י״ז

    כי עיני על כל דרכיהם לא נסתרו מלפני ולא נצפן עונם מנגד עיני׃

  14. יִרְמְיָהוּ ט״ז:י״ח

    ושלמתי ראשונה משנה עונם וחטאתם על חללם את ארצי בנבלת שקוציהם ותועבותיהם מלאו את נחלתי׃

  15. יִרְמְיָהוּ ט״ז:י״ט

    יהוה עזי ומעזי ומנוסי ביום צרה אליך גוים יבאו מאפסי ארץ ויאמרו אך שקר נחלו אבותינו הבל ואין בם מועיל׃

  16. יִרְמְיָהוּ ט״ז:כ״א

    לכן הנני מודיעם בפעם הזאת אודיעם את ידי ואת גבורתי וידעו כי שמי יהוה׃

  17. יִרְמְיָהוּ י״ז:ג׳

    הררי בשדה חילך כל אוצרותיך לבז אתן במתיך בחטאת בכל גבוליך׃

  18. יִרְמְיָהוּ י״ז:ד׳

    ושמטתה ובך מנחלתך אשר נתתי לך והעבדתיך את איביך בארץ אשר לא ידעת כי אש קדחתם באפי עד עולם תוקד׃

  19. יִרְמְיָהוּ י״ז:ה׳

    כה אמר יהוה ארור הגבר אשר יבטח באדם ושם בשר זרעו ומן יהוה יסור לבו׃

  20. יִרְמְיָהוּ י״ז:ז׳

    ברוך הגבר אשר יבטח ביהוה והיה יהוה מבטחו׃

  21. יִרְמְיָהוּ י״ז:י׳

    אני יהוה חקר לב בחן כליות ולתת לאיש כדרכו כפרי מעלליו׃

  22. יִרְמְיָהוּ י״ז:י״ג

    מקוה ישראל יהוה כל עזביך יבשו יסורי בארץ יכתבו כי עזבו מקור מים חיים את יהוה׃

  23. יִרְמְיָהוּ י״ז:י״ד

    רפאני יהוה וארפא הושיעני ואושעה כי תהלתי אתה׃

  24. יִרְמְיָהוּ י״ז:ט״ו

    הנה המה אמרים אלי איה דבר יהוה יבוא נא׃

  25. יִרְמְיָהוּ י״ז:ט״ז

    ואני לא אצתי מרעה אחריך ויום אנוש לא התאויתי אתה ידעת מוצא שפתי נכח פניך היה׃