God

באלהים נעשה חיל והוא יבוס צרינו׃

¶ למנצח לדוד מזמור אלהי תהלתי אל תחרש׃

הפקד עליו רשע ושטן יעמד על ימינו׃

יזכר עון אבתיו אל יהוה וחטאת אמו אל תמח׃

יהיו נגד יהוה תמיד ויכרת מארץ זכרם׃

זאת פעלת שטני מאת יהוה והדברים רע על נפשי׃

ואתה יהוה אדני עשה אתי למען שמך כי טוב חסדך הצילני׃

עזרני יהוה אלהי הושיעני כחסדך׃

וידעו כי ידך זאת אתה יהוה עשיתה׃

יקללו המה ואתה תברך קמו ויבשו ועבדך ישמח׃

אודה יהוה מאד בפי ובתוך רבים אהללנו׃

כי יעמד לימין אביון להושיע משפטי נפשו׃

¶ לדוד מזמור נאם יהוה לאדני שב לימיני עד אשית איביך הדם לרגליך׃

מטה עזך ישלח יהוה מציון רדה בקרב איביך׃

עמך נדבת ביום חילך בהדרי קדש מרחם משחר לך טל ילדתיך׃

נשבע יהוה ולא ינחם אתה כהן לעולם על דברתי מלכי צדק׃

אדני על ימינך מחץ ביום אפו מלכים׃

¶ הללו יה אודה יהוה בכל לבב בסוד ישרים ועדה׃

גדלים מעשי יהוה דרושים לכל חפציהם׃

הוד והדר פעלו וצדקתו עמדת לעד׃

זכר עשה לנפלאתיו חנון ורחום יהוה׃

טרף נתן ליראיו יזכר לעולם בריתו׃

כח מעשיו הגיד לעמו לתת להם נחלת גוים׃

מעשי ידיו אמת ומשפט נאמנים כל פקודיו׃

פדות שלח לעמו צוה לעולם בריתו קדוש ונורא שמו׃