Deborah

ודבורה אשה נביאה אשת לפידות היא שפטה את ישראל בעת ההיא׃

והיא יושבת תחת תמר דבורה בין הרמה ובין בית אל בהר אפרים ויעלו אליה בני ישראל למשפט׃

ותאמר הלך אלך עמך אפס כי לא תהיה תפארתך על הדרך אשר אתה הולך כי ביד אשה ימכר יהוה את סיסרא ותקם דבורה ותלך עם ברק קדשה׃

ויזעק ברק את זבולן ואת נפתלי קדשה ויעל ברגליו עשרת אלפי איש ותעל עמו דבורה׃

ותאמר דברה אל ברק קום כי זה היום אשר נתן יהוה את סיסרא בידך הלא יהוה יצא לפניך וירד ברק מהר תבור ועשרת אלפים איש אחריו׃

¶ ותשר דבורה וברק בן אבינעם ביום ההוא לאמר׃

חדלו פרזון בישראל חדלו עד שקמתי דבורה שקמתי אם בישראל׃

עורי עורי דבורה עורי עורי דברי שיר קום ברק ושבה שביך בן אבינעם׃

ושרי ביששכר עם דברה ויששכר כן ברק בעמק שלח ברגליו בפלגות ראובן גדלים חקקי לב׃