תְהִלִּיםע״ב

תפילה לשלטון צדק של המלך

א׳
לשלמה אלהים משפטיך למלך תן וצדקתך לבן מלך׃
ב׳
ידין עמך בצדק וענייך במשפט׃
ג׳
ישאו הרים שלום לעם וגבעות בצדקה׃
ד׳
ישפט עניי עם יושיע לבני אביון וידכא עושק׃

משך השלטון וטיבו

ה׳
ייראוך עם שמש ולפני ירח דור דורים׃
ו׳
ירד כמטר על גז כרביבים זרזיף ארץ׃
ז׳
יפרח בימיו צדיק ורב שלום עד בלי ירח׃

שלטון אוניברסלי והכנעה

ח׳
וירד מים עד ים ומנהר עד אפסי ארץ׃
ט׳
לפניו יכרעו ציים ואיביו עפר ילחכו׃
י׳
מלכי תרשיש ואיים מנחה ישיבו מלכי שבא וסבא אשכר יקריבו׃
י״א
וישתחוו לו כל מלכים כל גוים יעבדוהו׃

המלך כמושיע העניים

י״ב
כי יציל אביון משוע ועני ואין עזר לו׃
י״ג
יחס על דל ואביון ונפשות אביונים יושיע׃
י״ד
מתוך ומחמס יגאל נפשם וייקר דמם בעיניו׃

שפע ותהילה נצחית

ט״ו
ויחי ויתן לו מזהב שבא ויתפלל בעדו תמיד כל היום יברכנהו׃
ט״ז
יהי פסת בר בארץ בראש הרים ירעש כלבנון פריו ויציצו מעיר כעשב הארץ׃
י״ז
יהי שמו לעולם לפני שמש ינין שמו ויתברכו בו כל גוים יאשרוהו׃

דוקסולוגיה וסיום

י״ח
ברוך יהוה אלהים אלהי ישראל עשה נפלאות לבדו׃
י״ט
וברוך שם כבודו לעולם וימלא כבודו את כל הארץ אמן ואמן׃
כ׳
כלו תפלות דוד בן ישי׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options