תְהִלִּיםל״ח

עול החטא והמחלה

א׳
מזמור לדוד להזכיר יהוה אל בקצפך תוכיחני ובחמתך תיסרני׃
ב׳
כי חציך נחתו בי ותנחת עלי ידך׃
ג׳
אין מתם בבשרי מפני זעמך אין שלום בעצמי מפני חטאתי׃
ד׳
כי עונתי עברו ראשי כמשא כבד יכבדו ממני׃
ה׳
הבאישו נמקו חבורתי מפני אולתי׃
ו׳
נעויתי שחתי עד מאד כל היום קדר הלכתי׃
ז׳
כי כסלי מלאו נקלה ואין מתם בבשרי׃
ח׳
נפוגותי ונדכיתי עד מאד שאגתי מנהמת לבי׃

בידוד וביטחון פנימי

ט׳
אדני נגדך כל תאותי ואנחתי ממך לא נסתרה׃
י׳
לבי סחרחר עזבני כחי ואור עיני גם הם אין אתי׃
י״א
אהבי ורעי מנגד נגעי יעמדו וקרובי מרחק עמדו׃
י״ב
וינקשו מבקשי נפשי ודרשי רעתי דברו הוות ומרמות כל היום יהגו׃
י״ג
ואני כחרש לא אשמע וכאלם לא יפתח פיו׃
י״ד
ואהי כאיש אשר לא שמע ואין בפיו תוכחות׃

וידוי ותקווה באלוהים

ט״ו
כי לך יהוה הוחלתי אתה תענה אדני אלהי׃
ט״ז
כי אמרתי פן ישמחו לי במוט רגלי עלי הגדילו׃
י״ז
כי אני לצלע נכון ומכאובי נגדי תמיד׃
י״ח
כי עוני אגיד אדאג מחטאתי׃
י״ט
ואיבי חיים עצמו ורבו שנאי שקר׃
כ׳
ומשלמי רעה תחת טובה ישטנוני תחת רדופי טוב׃

תחינה דחופה להצלה

כ״א
אל תעזבני יהוה אלהי אל תרחק ממני׃
כ״ב
חושה לעזרתי אדני תשועתי׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options