מִשְׁלֵיי״ב

הדרך ליציבות ולחסד אלוהים

א׳
אהב מוסר אהב דעת ושנא תוכחת בער׃
ב׳
טוב יפיק רצון מיהוה ואיש מזמות ירשיע׃
ג׳
לא יכון אדם ברשע ושרש צדיקים בל ימוט׃

יושר המידות והבית

ד׳
אשת חיל עטרת בעלה וכרקב בעצמותיו מבישה׃
ה׳
מחשבות צדיקים משפט תחבלות רשעים מרמה׃
ו׳
דברי רשעים ארב דם ופי ישרים יצילם׃
ז׳
הפוך רשעים ואינם ובית צדיקים יעמד׃

חכמה בעבודה ובמוניטין

ח׳
לפי שכלו יהלל איש ונעוה לב יהיה לבוז׃
ט׳
טוב נקלה ועבד לו ממתכבד וחסר לחם׃
י׳
יודע צדיק נפש בהמתו ורחמי רשעים אכזרי׃
י״א
עבד אדמתו ישבע לחם ומרדף ריקים חסר לב׃
י״ב
חמד רשע מצוד רעים ושרש צדיקים יתן׃
י״ג
בפשע שפתים מוקש רע ויצא מצרה צדיק׃
י״ד
מפרי פי איש ישבע טוב וגמול ידי אדם ישוב לו׃

כוח האמת והתבונה

ט״ו
דרך אויל ישר בעיניו ושמע לעצה חכם׃
ט״ז
אויל ביום יודע כעסו וכסה קלון ערום׃
י״ז
יפיח אמונה יגיד צדק ועד שקרים מרמה׃
י״ח
יש בוטה כמדקרות חרב ולשון חכמים מרפא׃
י״ט
שפת אמת תכון לעד ועד ארגיעה לשון שקר׃
כ׳
מרמה בלב חרשי רע וליעצי שלום שמחה׃
כ״א
לא יאנה לצדיק כל און ורשעים מלאו רע׃
כ״ב
תועבת יהוה שפתי שקר ועשי אמונה רצונו׃
כ״ג
אדם ערום כסה דעת ולב כסילים יקרא אולת׃

חריצות, דאגה ודרך החיים

כ״ד
יד חרוצים תמשול ורמיה תהיה למס׃
כ״ה
דאגה בלב איש ישחנה ודבר טוב ישמחנה׃
כ״ו
יתר מרעהו צדיק ודרך רשעים תתעם׃
כ״ז
לא יחרך רמיה צידו והון אדם יקר חרוץ׃
כ״ח
בארח צדקה חיים ודרך נתיבה אל מות׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options