Vargje biblike për Simeon: 3. A devout man in Jerusalem, blesses Jesus in the temple

Dhe ja, në Jeruzalem ishte një njeri që quhej Simeon; Ky njeri ishte i drejtë dhe i përshpirtshëm dhe priste ngushëllimin e Izraelit; dhe Fryma e Shenjtë ishte mbi të.

Dhe në mënyrë hyjnore atij i qe zbuluar nga Fryma e Shenjtë se nuk do të vdiste para se të kishte parë Krishtin e Zotit.

Ai pra, i shtyrë nga Fryma, erdhi në tempull; dhe, si prindërit i prunë fëmijën Jezus për të bërë me të ato që përshkruan ligji,

ai e mori në krah e bekoi Perëndinë duke thënë:

''Tani, o Zot, lejo që shërbëtori yt të vdesë në paqe, sipas fjalës sate,

sepse sytë e mi e panë shpëtimin tënd

që ti e përgatite përpara gjithë popujve:

dritën për të ndriçuar kombet dhe lavdinë e popullit tënd, Izraelit''.

Dhe Jozefi e nëna e fëmijës mrrekulloheshin për gjërat që thuheshin për të.

Pastaj Simeoni i bekoi dhe i tha Marisë, nënës së tij: ''Ja, ky është vënë për rënien dhe për ngritjen e shumë vetave në Izrael dhe për të qenë shenjë kundërshtimesh,

edhe ty vetë një shpatë do të ta tejshpojë shpirtin, që të zbulohen mendimet e shumë zemrave''.