TRV
သူလျှိုများ စေလွှတ်ရန် အမိန့်
1
တဖန် ထာဝရဘုရားသည် မောရှေအား မိန့် တော်မူသည်ကား၊
2
ဣသရေလ အမျိုးသားတို့အား ငါပေးသော ခါနာန်ပြည်ကို စူးစမ်းစေခြင်းငှါ၊ အမျိုးအနွယ်အသီး အသီးထဲက အဆွေအမျိုးသူကြီးဖြစ်သောသူ တမျိုး တယောက်စီ ရွေးကောက်၍ စေလွှတ်လော့ဟု၊
3
ထာဝရဘုရားမှာ ထားတော်မူသည်အတိုင်း၊ မောရှေသည် လူတို့ကို ပါရန်တောက စေလွှတ်လေ၏။ စေလွှတ်သောသူအပေါင်းတို့သည် ဣသရေလအမျိုး၌ အကဲအမှူးဖြစ်ကြ၏။
4
သူတို့အမည်ကား၊ ရုဗင်အမျိုး၊ ဇက္ကုရသားရှမွာ။
5
ရှိမောင်အမျိုး၊ ဟောရိသား၊ ရှာဖတ်။
6
ယုဒအမျိုး၊ ယေဖုန္နသားကာလက်၊
7
ဣသခါမအမျိုး၊ ယောသပ်သားဣဂါလ။
8
ဧဖရိမ်အမျိုး၊ နုန်သားဩရှေ
9
ဗင်္ယာမိန်အမျိုး၊ ရာဖုသားပါလတိ။
10
ဇာဗုလုန်အမျိုး၊ သောဒိသား ဂါဒျေလ။
11
ယောသပ်သားတွင် မနာရှေအမျိုး၊ သုသိသား ဂဒ္ဒိ။
12
ဒန်အမျိုး၊ ဂေမလ္လိသားအမျေလ။
13
အာရှာအမျိုး၊ မိက္ခေလသား သေသုရ။
14
နဿလိအမျိုး၊ ဝါဖသိသားနာဘိ၊
15
ဂဒ်အမျိုး မာခိသားဂွေလတည်းဟူသော၊
16
ခါနာန်ပြည်ကို စူးစမ်းစေခြင်းငှါ မောရှေ စေလွှတ်သော သူတို့၏အမည်တည်း။ နုန်၏သားဩရှေကို ယောရှုဟူသောအမည်ဖြင့် မောရှေမှည့်လေ၏။
Settings