अलीफजचे दुसरे भाषण: ईयोबचे व्यर्थ बोलणे

इय्योब १५:१-६

१

मग एलीफाज तेमानीने उत्तर देऊन म्हटले:

२

“सुज्ञ मनुष्य पोकळ मताने उत्तर देईल का किंवा पूर्वेकडील गरम वार्‍याने आपले पोट भरणार काय?

३

कुचकामी शब्दांनी, आणि व्यर्थ भाषणाने ते वाद घालतील काय?

४

परंतु तू तर धार्मिकता देखील कमी लेखतोस आणि परमेश्वराच्या भक्तीत अडखळण आणतो.

५

तुझी पापे तुझ्या मुखाला संकेत देतात; धूर्तांची जीभ तू अंगीकारतो.

६

माझे नव्हे, तर तुझे स्वतःचे मुख तुला दोषी ठरविते; तुझे स्वतःचे ओठ तुझ्याविरुद्ध साक्ष देते.