תְהִלִּים ע״ג:י״ז-כ״ו

י״ז

עד אבוא אל מקדשי אל אבינה לאחריתם׃

י״ח

אך בחלקות תשית למו הפלתם למשואות׃

י״ט

איך היו לשמה כרגע ספו תמו מן בלהות׃

כ׳

כחלום מהקיץ אדני בעיר צלמם תבזה׃

כ״א

כי יתחמץ לבבי וכליותי אשתונן׃

כ״ב

ואני בער ולא אדע בהמות הייתי עמך׃

כ״ג

ואני תמיד עמך אחזת ביד ימיני׃

כ״ד

בעצתך תנחני ואחר כבוד תקחני׃

כ״ה

מי לי בשמים ועמך לא חפצתי בארץ׃

כ״ו

כלה שארי ולבבי צור לבבי וחלקי אלהים לעולם׃

קרא פרק מלא ע״ג

Reading Style

Typeface

Font Size 19px

Reading Width 45 chars

Options