בקשה אחרונה לצדק ולהצדקה

תְהִלִּים ל״ה:י״ט-כ״ח

י״ט

אל ישמחו לי איבי שקר שנאי חנם יקרצו עין׃

כ׳

כי לא שלום ידברו ועל רגעי ארץ דברי מרמות יחשבון׃

כ״א

וירחיבו עלי פיהם אמרו האח האח ראתה עינינו׃

כ״ב

ראיתה יהוה אל תחרש אדני אל תרחק ממני׃

כ״ג

העירה והקיצה למשפטי אלהי ואדני לריבי׃

כ״ד

שפטני כצדקך יהוה אלהי ואל ישמחו לי׃

כ״ה

אל יאמרו בלבם האח נפשנו אל יאמרו בלענוהו׃

כ״ו

יבשו ויחפרו יחדו שמחי רעתי ילבשו בשת וכלמה המגדילים עלי׃

כ״ז

ירנו וישמחו חפצי צדקי ויאמרו תמיד יגדל יהוה החפץ שלום עבדו׃

כ״ח

ולשוני תהגה צדקך כל היום תהלתך׃