עדות על הצלה וביטחון

תְהִלִּים קי״ח:ה׳-י״ד

ה׳

מן המצר קראתי יה ענני במרחב יה׃

ו׳

יהוה לי לא אירא מה יעשה לי אדם׃

ז׳

יהוה לי בעזרי ואני אראה בשנאי׃

ח׳

טוב לחסות ביהוה מבטח באדם׃

ט׳

טוב לחסות ביהוה מבטח בנדיבים׃

י׳

כל גוים סבבוני בשם יהוה כי אמילם׃

י״א

סבוני גם סבבוני בשם יהוה כי אמילם׃

י״ב

סבוני כדבורים דעכו כאש קוצים בשם יהוה כי אמילם׃

י״ג

דחה דחיתני לנפל ויהוה עזרני׃

י״ד

עזי וזמרת יה ויהי לי לישועה׃

קרא פרק מלא קי״ח

Reading Style

Typeface

Font Size 19px

Reading Width 45 chars

Options