מתיו כ״ד:ד׳-י״א

ד׳

ויען ישוע ויאמר להם ראו פן יתעה אתכם איש׃

ה׳

כי רבים יבאו בשמי לאמר אני הוא המשיח והתעו רבים׃

ו׳

ואתם עתידים לשמע מלחמות ושמעות מלחמה ראו פן תבהלו כי היו תהיה כל זאת אך עדן אין הקץ׃

ז׳

כי יקום גוי על גוי וממלכה על ממלכה והיה רעב ודבר ורעש הנה והנה׃

ח׳

וכל אלה רק ראשית החבלים׃

ט׳

אז ימסרו אתכם לעני והמיתו אתכם והייתם שנואים לכל הגוים למען שמי׃

י׳

ואז יכשלו רבים ומסרו איש את רעהו ושנאו איש את אחיו׃

י״א

ונביאי שקר רבים יקומו והתעו רבים׃