הוראות לשליחות המוגבלת

ה׳

את שנים העשר האלה שלח ישוע ויצו אתם לאמר אל דרך הגוים אל תלכו ואל עיר השמרונים אל תבאו׃

ו׳

כי אם לכו אל הצאן האבדות לבית ישראל׃

ז׳

ובלכתכם קראו לאמר למכות השמים קרבה לבוא׃

ח׳

רפאו את החולים טהרו את המצרעים הקימו את המתים ואת השדים גרשו חנם לקחתם חנם תתנו׃

ט׳

לא תקחו זהב ולא כסף ולא נחשת בחגוריכם׃

י׳

ולא תרמיל לדרך ולא שתי כתנות ולא נעלים ולא מטה כי שוה הפעל די מחיתו׃

י״א

וכל עיר וכפר אשר תבאו שמה דרשו מי הוא הראוי לזה בתוכה ושם שבו עד כי תצאו׃

י״ב

ובבואכם אל הבית שאלו לו לשלום׃

י״ג

והיה אם ראוי הבית יבוא עליו שלומכם ואם איננו ראוי שלומכם אליכם ישוב׃

י״ד

וכל אשר לא יקבל אתכם ולא ישמע לדבריכם צאו לכם מן הבית ההוא ומן העיר ההיא ונערו את עפר רגליכם׃

ט״ו

אמן אמר אני לכם כי יקל לארץ סדום ועמרה ביום הדין מן העיר ההיא׃