ג'ון ו׳:נ״ג-ס״ו (Hebrew)

נ״ג

ויאמר אליהם ישוע אמן אמן אני אמר לכם אם לא תאכלו את בשר בן האדם ושתיתם את דמו אין לכם חיים בקרבכם׃

נ״ד

האכל את בשרי והשתה את דמי יש לו חיי עולמים ואני אקימנו ביום האחרון׃

נ״ה

כי בשרי באמת הוא מאכל ודמי באמת הוא משקה׃

נ״ו

האכל את בשרי ושתה את דמי הוא ילין בי ואני בו׃

נ״ז

כאשר שלחני האב החי ואנכי חי בגלל אבי כן האכל אתי גם הוא יחיה בגללי׃

נ״ח

זה הוא הלחם הירד מן השמים לא כאשר אכלו אבותיכם את המן וימתו האכל את הלחם הזה יחיה לעולם׃

נ״ט

כזאת דבר בבית הכנסת בלמדו בכפר נחום׃

ס׳

ורבים מתלמידיו כשמעם אמרו קשה הדבר הזה מי יוכל לשמע אתו׃

ס״א

ויבן ישוע בלבו כי תלמידיו מלינים על זאת ויאמר אליהם הזאת לכם למכשול׃

ס״ב

מה אפוא אם תראו את בן האדם עלה אל אשר היה שם לפנים׃

ס״ג

הרוח הוא הנתן חיים והבשר אין בו מועיל הדברים אשר אני דברתי אליכם רוח המה וחיים המה׃

ס״ד

אך יש מכם אשר לא יאמינו כי ישוע ידע מראש מי הם אשר אינם מאמינים ומי המוסר אתו׃

ס״ה

ויאמר על כן אמרתי לכם כי לא יוכל איש לבוא אלי בלתי אם נתן לו מאת אבי׃

ס״ו

מן העת הזאת רבים מתלמידיו נסגו אחור ולא יספו להתהלך אתו׃

ג'ון ו׳:נ״ג-ס״ו