TRV
ג'ון י׳:י״א-כ״ח
י״א
אנכי הוא הרעה הטוב הרעה הטוב יתן את נפשו בעד צאנו׃
י״ב
והשכיר אשר לא רעה הוא והצאן לא לו הנה בראותו כי בא הזאב יעזב את הצאן ונס והזאב יחטף ויפיץ את הצאן׃
י״ג
השכיר ינוס כי שכיר הוא ולא ידאג לצאן׃
י״ד
אני הרעה הטוב וידעתי את אשר לי ונודעתי לאשר לי׃
ט״ו
כאשר האב ידעני ואני ידעתי את האב ואת נפשי אתן בעד הצאן׃
ט״ז
וצאן אחרות יש לי אשר אינן מן המכלה הזאת ועלי לנהל גם אתן ותשמענה קולי והיה עדר אחד ורעה אחד׃
י״ז
על כן אהב אתי אבי כי את נפשי אתן למען אשוב ואקחה׃
י״ח
ואיש לא יקחנה מאתי כי אם אני מעצמי אתננה יש בידי לתת אתה ובידי לשוב לקחתה את המצוה הזאת לקחתי מעם אבי׃
י״ט
ותהי מחלקת גם בפעם הזאת בין היהודים על הדברים האלה׃
כ׳
ויאמרו רבים מהם שד בו ומשגע הוא למה תשמעו אליו׃
כ״א
ואחרים אמרו לא כאלה ידבר איש אחוז שד היוכל שד לפקח עיני עורים׃
כ״ב
ויהי חג חנכת הבית בירושלים וסתיו היה׃
כ״ג
ויתהלך ישוע במקדש באולם של שלמה׃
כ״ד
ויסבו אתו היהודים ויאמרו אליו עד אנה תתלה את נפשנו את המשיח אתה הגידה לנו ברור׃
כ״ה
ויען אתם ישוע הן אמרתי אליכם ולא האמנתם בי המעשים אשר אני עשה בשם אבי הם יעידו עלי׃
כ״ו
אבל אתם לא תאמינו יען לא מצאני אתם כאשר אמרתי לכם׃
כ״ז
צאני תשמענה את קולי ואני ידעתין ואחרי תלכנה׃
כ״ח
ואני אתן להן חיי עולמים ולא תאבדנה לנצח ואיש לא יחטף אתהן מידי׃
Settings