אִיּוֹב מ׳:י׳-י״ט

י׳

עדה נא גאון וגבה והוד והדר תלבש׃

י״א

הפץ עברות אפך וראה כל גאה והשפילהו׃

י״ב

ראה כל גאה הכניעהו והדך רשעים תחתם׃

י״ג

טמנם בעפר יחד פניהם חבש בטמון׃

י״ד

וגם אני אודך כי תושע לך ימינך׃

ט״ו

הנה נא בהמות אשר עשיתי עמך חציר כבקר יאכל׃

ט״ז

הנה נא כחו במתניו ואנו בשרירי בטנו׃

י״ז

יחפץ זנבו כמו ארז גידי פחדו ישרגו׃

י״ח

עצמיו אפיקי נחושה גרמיו כמטיל ברזל׃

י״ט

הוא ראשית דרכי אל העשו יגש חרבו׃