התגלותו המיסטית של אליפז

אִיּוֹב ד׳:י״ב-כ״א

י״ב

ואלי דבר יגנב ותקח אזני שמץ מנהו׃

י״ג

בשעפים מחזינות לילה בנפל תרדמה על אנשים׃

י״ד

פחד קראני ורעדה ורב עצמותי הפחיד׃

ט״ו

ורוח על פני יחלף תסמר שערת בשרי׃

ט״ז

יעמד ולא אכיר מראהו תמונה לנגד עיני דממה וקול אשמע׃

י״ז

האנוש מאלוה יצדק אם מעשהו יטהר גבר׃

י״ח

הן בעבדיו לא יאמין ובמלאכיו ישים תהלה׃

י״ט

אף שכני בתי חמר אשר בעפר יסודם ידכאום לפני עש׃

כ׳

מבקר לערב יכתו מבלי משים לנצח יאבדו׃

כ״א

הלא נסע יתרם בם ימותו ולא בחכמה׃