יְשַׁעְיָהוּ ס״ג:י״א-י״ט

י״א

ויזכר ימי עולם משה עמו איה המעלם מים את רעי צאנו איה השם בקרבו את רוח קדשו׃

י״ב

מוליך לימין משה זרוע תפארתו בוקע מים מפניהם לעשות לו שם עולם׃

י״ג

מוליכם בתהמות כסוס במדבר לא יכשלו׃

י״ד

כבהמה בבקעה תרד רוח יהוה תניחנו כן נהגת עמך לעשות לך שם תפארת׃

ט״ו

הבט משמים וראה מזבל קדשך ותפארתך איה קנאתך וגבורתך המון מעיך ורחמיך אלי התאפקו׃

ט״ז

כי אתה אבינו כי אברהם לא ידענו וישראל לא יכירנו אתה יהוה אבינו גאלנו מעולם שמך׃

י״ז

למה תתענו יהוה מדרכיך תקשיח לבנו מיראתך שוב למען עבדיך שבטי נחלתך׃

י״ח

למצער ירשו עם קדשך צרינו בוססו מקדשך׃

י״ט

היינו מעולם לא משלת בם לא נקרא שמך עליהם׃