הוי חכמים בעיניהם

יְשַׁעְיָהוּ ה׳:כ״א

מציג את פסוק כ״א עם ההקשר הסובב.

י״ח

הוי משכי העון בחבלי השוא וכעבות העגלה חטאה׃

י״ט

האמרים ימהר יחישה מעשהו למען נראה ותקרב ותבואה עצת קדוש ישראל ונדעה׃

כ׳

הוי האמרים לרע טוב ולטוב רע שמים חשך לאור ואור לחשך שמים מר למתוק ומתוק למר׃

כ״א

הוי חכמים בעיניהם ונגד פניהם נבנים׃

כ״ב

הוי גבורים לשתות יין ואנשי חיל למסך שכר׃

כ״ג

מצדיקי רשע עקב שחד וצדקת צדיקים יסירו ממנו׃

כ״ד

לכן כאכל קש לשון אש וחשש להבה ירפה שרשם כמק יהיה ופרחם כאבק יעלה כי מאסו את תורת יהוה צבאות ואת אמרת קדוש ישראל נאצו׃