תוצאת הכפירה ההיסטורית

הוֹשֵׁעַ ט׳:י׳-י״ז

י׳

כענבים במדבר מצאתי ישראל כבכורה בתאנה בראשיתה ראיתי אבותיכם המה באו בעל פעור וינזרו לבשת ויהיו שקוצים כאהבם׃

י״א

אפרים כעוף יתעופף כבודם מלדה ומבטן ומהריון׃

י״ב

כי אם יגדלו את בניהם ושכלתים מאדם כי גם אוי להם בשורי מהם׃

י״ג

אפרים כאשר ראיתי לצור שתולה בנוה ואפרים להוציא אל הורג בניו׃

י״ד

תן להם יהוה מה תתן תן להם רחם משכיל ושדים צמקים׃

ט״ו

כל רעתם בגלגל כי שם שנאתים על רע מעלליהם מביתי אגרשם לא אוסף אהבתם כל שריהם סררים׃

ט״ז

הכה אפרים שרשם יבש פרי בלי יעשון גם כי ילדון והמתי מחמדי בטנם׃

י״ז

ימאסם אלהי כי לא שמעו לו ויהיו נדדים בגוים׃