TRV
בְּרֵאשִׁית י״ב:ד׳-ט׳
ד׳
וילך אברם כאשר דבר אליו יהוה וילך אתו לוט ואברם בן חמש שנים ושבעים שנה בצאתו מחרן׃
ה׳
ויקח אברם את שרי אשתו ואת לוט בן אחיו ואת כל רכושם אשר רכשו ואת הנפש אשר עשו בחרן ויצאו ללכת ארצה כנען ויבאו ארצה כנען׃
ו׳
ויעבר אברם בארץ עד מקום שכם עד אלון מורה והכנעני אז בארץ׃
ז׳
וירא יהוה אל אברם ויאמר לזרעך אתן את הארץ הזאת ויבן שם מזבח ליהוה הנראה אליו׃
ח׳
ויעתק משם ההרה מקדם לבית אל ויט אהלה בית אל מים והעי מקדם ויבן שם מזבח ליהוה ויקרא בשם יהוה׃
ט׳
ויסע אברם הלוך ונסוע הנגבה׃
Settings