בְּרֵאשִׁית י״ב:א׳-ה׳

א׳

¶ ויאמר יהוה אל אברם לך לך מארצך וממולדתך ומבית אביך אל הארץ אשר אראך׃

ב׳

ואעשך לגוי גדול ואברכך ואגדלה שמך והיה ברכה׃

ג׳

ואברכה מברכיך ומקללך אאר ונברכו בך כל משפחת האדמה׃

ד׳

וילך אברם כאשר דבר אליו יהוה וילך אתו לוט ואברם בן חמש שנים ושבעים שנה בצאתו מחרן׃

ה׳

ויקח אברם את שרי אשתו ואת לוט בן אחיו ואת כל רכושם אשר רכשו ואת הנפש אשר עשו בחרן ויצאו ללכת ארצה כנען ויבאו ארצה כנען׃