עליית האדם הבזוי (אנטיוכוס הרביעי)

דָּנִיֵּאל י״א:כ״א-ל׳

עליית האדם הבזוי (אנטיוכוס הרביעי)

כ״א

ועמד על כנו נבזה ולא נתנו עליו הוד מלכות ובא בשלוה והחזיק מלכות בחלקלקות׃

כ״ב

וזרעות השטף ישטפו מלפניו וישברו וגם נגיד ברית׃

כ״ג

ומן התחברות אליו יעשה מרמה ועלה ועצם במעט גוי׃

כ״ד

בשלוה ובמשמני מדינה יבוא ועשה אשר לא עשו אבתיו ואבות אבתיו בזה ושלל ורכוש להם יבזור ועל מבצרים יחשב מחשבתיו ועד עת׃

כ״ה

ויער כחו ולבבו על מלך הנגב בחיל גדול ומלך הנגב יתגרה למלחמה בחיל גדול ועצום עד מאד ולא יעמד כי יחשבו עליו מחשבות׃

כ״ו

ואכלי פת בגו ישברוהו וחילו ישטוף ונפלו חללים רבים׃

כ״ז

ושניהם המלכים לבבם למרע ועל שלחן אחד כזב ידברו ולא תצלח כי עוד קץ למועד׃

כ״ח

וישב ארצו ברכוש גדול ולבבו על ברית קדש ועשה ושב לארצו׃

כ״ט

למועד ישוב ובא בנגב ולא תהיה כראשנה וכאחרנה׃

ל׳

ובאו בו ציים כתים ונכאה ושב וזעם על ברית קודש ועשה ושב ויבן על עזבי ברית קדש׃

קרא פרק מלא י״א

ראו גם

היכן עוד הכתוב אומר זאת

בְּרֵאשִׁית י׳:ד׳
ובני יון אלישה ותרשיש כתים ודדנים׃
מפסוק ל׳
תְהִלִּים י״ב:ב׳
שוא ידברו איש את רעהו שפת חלקות בלב ולב ידברו׃
מפסוק כ״ז
בְּמִדְבַּר כ״ד:כ״ד
וצים מיד כתים וענו אשור וענו עבר וגם הוא עדי אבד׃
מפסוק ל׳
דָּנִיֵּאל י״א:ל״ד
ובהכשלם יעזרו עזר מעט ונלוו עליהם רבים בחלקלקות׃
מפסוק כ״א
דָּנִיֵּאל ח׳:י׳
ותגדל עד צבא השמים ותפל ארצה מן הצבא ומן הכוכבים ותרמסם׃
מפסוק כ״ב
דָּנִיֵּאל ח׳:י״א
ועד שר הצבא הגדיל וממנו הרים התמיד והשלך מכון מקדשו׃
מפסוק כ״ב
דָּנִיֵּאל ט׳:כ״ו
ואחרי השבעים ששים ושנים יכרת משיח ואין לו והעיר והקדש ישחית עם נגיד הבא וקצו בשטף ועד קץ מלחמה נחרצת שממות׃
מפסוק כ״ב
דָּנִיֵּאל י״א:י׳
ובנו יתגרו ואספו המון חילים רבים ובא בוא ושטף ועבר וישב ויתגרו עד מעזה׃
מפסוק כ״ב
דָּנִיֵּאל י״א:ל״ה
ומן המשכילים יכשלו לצרוף בהם ולברר וללבן עד עת קץ כי עוד למועד׃
מפסוק כ״ז
חֲבַקּוּק ב׳:ג׳
כי עוד חזון למועד ויפח לקץ ולא יכזב אם יתמהמה חכה לו כי בא יבא לא יאחר׃
מפסוק כ״ז
יִרְמְיָהוּ ט׳:ג׳
וידרכו את לשונם קשתם שקר ולא לאמונה גברו בארץ כי מרעה אל רעה יצאו ואתי לא ידעו נאם יהוה׃
מפסוק כ״ז
יִרְמְיָהוּ ט׳:ה׳
ואיש ברעהו יהתלו ואמת לא ידברו למדו לשונם דבר שקר העוה נלאו׃
מפסוק כ״ז

היכן זה קורה

עליית האדם הבזוי (אנטיוכוס הרביעי)