מַעֲשֵׂי הַשְּׁלִיחִים י״ח:א׳-ו׳

א׳

¶ אחר כן סר פולוס מאתינס ויבא אל קורנתוס׃

ב׳

וימצא יהודי נולד בפונטוס ומשו עקילס אשר בא מקרוב מן איטליא הוא ואשתו פריסקלה מפני אשר צוה קלודיוס את כל היהודים לסור מעיר רומי׃

ג׳

ויבא אליהם ויהי בהיתם בני אמנות אחת וישב אתם ויעש מלאכתו ואמנותם עשות יריעות אהלים׃

ד׳

וידבר בבית הכנסת בכל שבת ושבת ויוכח את היהודים ואת היונים׃

ה׳

וכבוא סילא וטימותיוס ממקדוניא היה פולוס נגש ברוח להעיד אל היהודים כי ישוע הוא המשיח׃

ו׳

ויהי כהמרותם וכגדפם וינער את בגדיו ויאמר אליהם דמכם בראשיכם ואנכי נקי מעתה אלכה לי אל הגוים׃