דברי דוד האחרונים ברוח הקודש

2 שְׁמוּאֵל כ״ג:א׳-ז׳

א׳

¶ ואלה דברי דוד האחרנים נאם דוד בן ישי ונאם הגבר הקם על משיח אלהי יעקב ונעים זמרות ישראל׃

ב׳

רוח יהוה דבר בי ומלתו על לשוני׃

ג׳

אמר אלהי ישראל לי דבר צור ישראל מושל באדם צדיק מושל יראת אלהים׃

ד׳

וכאור בקר יזרח שמש בקר לא עבות מנגה ממטר דשא מארץ׃

ה׳

כי לא כן ביתי עם אל כי ברית עולם שם לי ערוכה בכל ושמרה כי כל ישעי וכל חפץ כי לא יצמיח׃

ו׳

ובליעל כקוץ מנד כלהם כי לא ביד יקחו׃

ז׳

ואיש יגע בהם ימלא ברזל ועץ חנית ובאש שרוף ישרפו בשבת׃