Ayuba 18:5-13
5
“An kashe fitilar mugu; harshen wutarsa ya daina ci.
6
Wutar cikin tentinsa ta zama duhu; fitilar da take kusa da shi ta mutu.
7
Ƙarfin takawarsa ya ragu; dabararsa ta ja fāɗuwarsa.
8
Ƙafafunsa sun kai shi cikin raga, yana ta yawo a cikin ragar.
9
Tarko ya kama ɗiɗɗigensa; tarko ya riƙe shi kam.
10
An ɓoye masa igiya da za tă zarge shi a ƙasa; an sa masa tarko a kan hanyar da zai bi.
11
Tsoro duk ya kewaye shi ta kowane gefe yana bin shi duk inda ya je.
12
Masifa tana jiransa; bala’i yana shirye yă fāɗa masa a lokacin da zai fāɗi.
13
Ya cinye wani sashe na gaɓar jikinsa; ɗan fari na mutuwa ya cinye ƙafafunsa.
Rubutun Littafi Mai Tsarki: Biblica® Open Hausa Contemporary Bible™, © 2009, 2020 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.