פסוקים על Widow: Unclassified scriptures relating to

כל אלמנה ויתום לא תענון׃

אם ענה תענה אתו כי אם צעק יצעק אלי שמע אשמע צעקתו׃

וחרה אפי והרגתי אתכם בחרב והיו נשיכם אלמנות ובניכם יתמים׃

עשה משפט יתום ואלמנה ואהב גר לתת לו לחם ושמלה׃

מקצה שלש שנים תוציא את כל מעשר תבואתך בשנה ההוא והנחת בשעריך׃

ובא הלוי כי אין לו חלק ונחלה עמך והגר והיתום והאלמנה אשר בשעריך ואכלו ושבעו למען יברכך יהוה אלהיך בכל מעשה ידך אשר תעשה׃

ושמחת לפני יהוה אלהיך אתה ובנך ובתך ועבדך ואמתך והלוי אשר בשעריך והגר והיתום והאלמנה אשר בקרבך במקום אשר יבחר יהוה אלהיך לשכן שמו שם׃

וזכרת כי עבד היית במצרים ושמרת ועשית את החקים האלה׃

חג הסכת תעשה לך שבעת ימים באספך מגרנך ומיקבך׃

ושמחת בחגך אתה ובנך ובתך ועבדך ואמתך והלוי והגר והיתום והאלמנה אשר בשעריך׃

לא תטה משפט גר יתום ולא תחבל בגד אלמנה׃

כי תקצר קצירך בשדך ושכחת עמר בשדה לא תשוב לקחתו לגר ליתום ולאלמנה יהיה למען יברכך יהוה אלהיך בכל מעשה ידיך׃

כי תחבט זיתך לא תפאר אחריך לגר ליתום ולאלמנה יהיה׃

כי תבצר כרמך לא תעולל אחריך לגר ליתום ולאלמנה יהיה׃

כי ישבו אחים יחדו ומת אחד מהם ובן אין לו לא תהיה אשת המת החוצה לאיש זר יבמה יבא עליה ולקחה לו לאשה ויבמה׃

והיה הבכור אשר תלד יקום על שם אחיו המת ולא ימחה שמו מישראל׃

ואם לא יחפץ האיש לקחת את יבמתו ועלתה יבמתו השערה אל הזקנים ואמרה מאן יבמי להקים לאחיו שם בישראל לא אבה יבמי׃

וקראו לו זקני עירו ודברו אליו ועמד ואמר לא חפצתי לקחתה׃

ונגשה יבמתו אליו לעיני הזקנים וחלצה נעלו מעל רגלו וירקה בפניו וענתה ואמרה ככה יעשה לאיש אשר לא יבנה את בית אחיו׃

ונקרא שמו בישראל בית חלוץ הנעל׃

ארור מטה משפט גר יתום ואלמנה ואמר כל העם אמן׃

הלא רעתך רבה ואין קץ לעונתיך׃

אלמנות שלחת ריקם וזרעות יתמים ידכא׃

חמור יתומים ינהגו יחבלו שור אלמנה׃

רעה עקרה לא תלד ואלמנה לא ייטיב׃