פסוקים על Water: The river Jordan divided

8 פסוקים · 84 היבטים

פסוקים על The river Jordan divided

  1. יְהוֹשֻעַ ג׳:י״ד

    ויהי בנסע העם מאהליהם לעבר את הירדן והכהנים נשאי הארון הברית לפני העם׃

  2. יְהוֹשֻעַ ג׳:ט״ו

    וכבוא נשאי הארון עד הירדן ורגלי הכהנים נשאי הארון נטבלו בקצה המים והירדן מלא על כל גדותיו כל ימי קציר׃

  3. יְהוֹשֻעַ ג׳:ט״ז

    ויעמדו המים הירדים מלמעלה קמו נד אחד הרחק מאד באדם העיר אשר מצד צרתן והירדים על ים הערבה ים המלח תמו נכרתו והעם עברו נגד יריחו׃

  4. יְהוֹשֻעַ ג׳:י״ז

    ויעמדו הכהנים נשאי הארון ברית יהוה בחרבה בתוך הירדן הכן וכל ישראל עברים בחרבה עד אשר תמו כל הגוי לעבר את הירדן׃

  5. 2 מְלָכִים ב׳:ו׳

    ויאמר לו אליהו שב נא פה כי יהוה שלחני הירדנה ויאמר חי יהוה וחי נפשך אם אעזבך וילכו שניהם׃

  6. 2 מְלָכִים ב׳:ז׳

    וחמשים איש מבני הנביאים הלכו ויעמדו מנגד מרחוק ושניהם עמדו על הירדן׃

  7. 2 מְלָכִים ב׳:ח׳

    ויקח אליהו את אדרתו ויגלם ויכה את המים ויחצו הנה והנה ויעברו שניהם בחרבה׃

  8. 2 מְלָכִים ב׳:י״ד

    ויקח את אדרת אליהו אשר נפלה מעליו ויכה את המים ויאמר איה יהוה אלהי אליהו אף הוא ויכה את המים ויחצו הנה והנה ויעבר אלישע׃