פסוקים על Wagon

ואתה צויתה זאת עשו קחו לכם מארץ מצרים עגלות לטפכם ולנשיכם ונשאתם את אביכם ובאתם׃

וידברו אליו את כל דברי יוסף אשר דבר אלהם וירא את העגלות אשר שלח יוסף לשאת אתו ותחי רוח יעקב אביהם׃

ויביאו את קרבנם לפני יהוה שש עגלת צב ושני עשר בקר עגלה על שני הנשאים ושור לאחד ויקריבו אותם לפני המשכן׃

ויאמר יהוה אל משה לאמר׃

קח מאתם והיו לעבד את עבדת אהל מועד ונתתה אותם אל הלוים איש כפי עבדתו׃

ויקח משה את העגלת ואת הבקר ויתן אותם אל הלוים׃

את שתי העגלת ואת ארבעת הבקר נתן לבני גרשון כפי עבדתם׃

ואת ארבע העגלת ואת שמנת הבקר נתן לבני מררי כפי עבדתם ביד איתמר בן אהרן הכהן׃

ולבני קהת לא נתן כי עבדת הקדש עלהם בכתף ישאו׃