פסוקים על Token: Memorial stones

8 פסוקים · 18 היבטים

פסוקים על Memorial stones

יְהוֹשֻעַ ד׳:ב׳
קחו לכם מן העם שנים עשר אנשים איש אחד איש אחד משבט׃
יְהוֹשֻעַ ד׳:ג׳
וצוו אותם לאמר שאו לכם מזה מתוך הירדן ממצב רגלי הכהנים הכין שתים עשרה אבנים והעברתם אותם עמכם והנחתם אותם במלון אשר תלינו בו הלילה׃
יְהוֹשֻעַ ד׳:ד׳
ויקרא יהושע אל שנים העשר איש אשר הכין מבני ישראל איש אחד איש אחד משבט׃
יְהוֹשֻעַ ד׳:ה׳
ויאמר להם יהושע עברו לפני ארון יהוה אלהיכם אל תוך הירדן והרימו לכם איש אבן אחת על שכמו למספר שבטי בני ישראל׃
יְהוֹשֻעַ ד׳:ו׳
למען תהיה זאת אות בקרבכם כי ישאלון בניכם מחר לאמר מה האבנים האלה לכם׃
יְהוֹשֻעַ ד׳:ז׳
ואמרתם להם אשר נכרתו מימי הירדן מפני ארון ברית יהוה בעברו בירדן נכרתו מי הירדן והיו האבנים האלה לזכרון לבני ישראל עד עולם׃
יְהוֹשֻעַ ד׳:ח׳
ויעשו כן בני ישראל כאשר צוה יהושע וישאו שתי עשרה אבנים מתוך הירדן כאשר דבר יהוה אל יהושע למספר שבטי בני ישראל ויעברום עמם אל המלון וינחום שם׃
יְהוֹשֻעַ ד׳:ט׳
ושתים עשרה אבנים הקים יהושע בתוך הירדן תחת מצב רגלי הכהנים נשאי ארון הברית ויהיו שם עד היום הזה׃