פסוקים על Thebez

וילך אבימלך אל תבץ ויחן בתבץ וילכדה׃

ומגדל עז היה בתוך העיר וינסו שמה כל האנשים והנשים וכל בעלי העיר ויסגרו בעדם ויעלו על גג המגדל׃

ויבא אבימלך עד המגדל וילחם בו ויגש עד פתח המגדל לשרפו באש׃

ותשלך אשה אחת פלח רכב על ראש אבימלך ותרץ את גלגלתו׃

ויקרא מהרה אל הנער נשא כליו ויאמר לו שלף חרבך ומותתני פן יאמרו לי אשה הרגתהו וידקרהו נערו וימת׃

ויראו איש ישראל כי מת אבימלך וילכו איש למקמו׃

וישב אלהים את רעת אבימלך אשר עשה לאביו להרג את שבעים אחיו׃

מי הכה את אבימלך בן ירבשת הלוא אשה השליכה עליו פלח רכב מעל החומה וימת בתבץ למה נגשתם אל החומה ואמרת גם עבדך אוריה החתי מת׃