פסוקים על The Truth of God

ויאמר הנחש אל האשה לא מות תמתון׃

כי ידע אלהים כי ביום אכלכם ממנו ונפקחו עיניכם והייתם כאלהים ידעי טוב ורע׃

ויאמר ברוך יהוה אלהי אדני אברהם אשר לא עזב חסדו ואמתו מעם אדני אנכי בדרך נחני יהוה בית אחי אדני׃

קטנתי מכל החסדים ומכל האמת אשר עשית את עבדך כי במקלי עברתי את הירדן הזה ועתה הייתי לשני מחנות׃

ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃

לא איש אל ויכזב ובן אדם ויתנחם ההוא אמר ולא יעשה ודבר ולא יקימנה׃

הצור תמים פעלו כי כל דרכיו משפט אל אמונה ואין עול צדיק וישר הוא׃

ועתה יעש יהוה עמכם חסד ואמת וגם אנכי אעשה אתכם הטובה הזאת אשר עשיתם הדבר הזה׃

ועתה יהוה אלהי ישראל יאמן דברך אשר דברת לעבדך לדויד׃

למען אספרה כל תהלתיך בשערי בת ציון אגילה בישועתך׃

כי צדיק יהוה צדקות אהב ישר יחזו פנימו׃

יראת יהוה טהורה עומדת לעד משפטי יהוה אמת צדקו יחדו׃

כל ארחות יהוה חסד ואמת לנצרי בריתו ועדתיו׃

בידך אפקיד רוחי פדיתה אותי יהוה אל אמת׃

כי ישר דבר יהוה וכל מעשהו באמונה׃

ישלח משמים ויושיעני חרף שאפי סלה ישלח אלהים חסדו ואמתו׃

כי גדל עד שמים חסדך ועד שחקים אמתך׃

גם אני אודך בכלי נבל אמתך אלהי אזמרה לך בכנור קדוש ישראל׃

חסד ואמת נפגשו צדק ושלום נשקו׃

ואתה אדני אל רחום וחנון ארך אפים ורב חסד ואמת׃

צדק ומשפט מכון כסאך חסד ואמת יקדמו פניך׃

איה חסדיך הראשנים אדני נשבעת לדוד באמונתך׃

לפני יהוה כי בא כי בא לשפט הארץ ישפט תבל בצדק ועמים באמונתו׃

זכר חסדו ואמונתו לבית ישראל ראו כל אפסי ארץ את ישועת אלהינו׃

כי טוב יהוה לעולם חסדו ועד דר ודר אמונתו׃