פסוקים על The Call of God

47 פסוקים · 33 היבטים

פסוקי מפתח

סינון לפי ספר
  1. מִשְׁלֵי א׳:י״ד

    גורלך תפיל בתוכנו כיס אחד יהיה לכלנו׃

  2. מִשְׁלֵי א׳:ט״ו

    בני אל תלך בדרך אתם מנע רגלך מנתיבתם׃

  3. מִשְׁלֵי א׳:ט״ז

    כי רגליהם לרע ירוצו וימהרו לשפך דם׃

  4. מִשְׁלֵי א׳:י״ז

    כי חנם מזרה הרשת בעיני כל בעל כנף׃

  5. מִשְׁלֵי א׳:י״ח

    והם לדמם יארבו יצפנו לנפשתם׃

  6. מִשְׁלֵי א׳:י״ט

    כן ארחות כל בצע בצע את נפש בעליו יקח׃

  7. מִשְׁלֵי א׳:כ׳

    חכמות בחוץ תרנה ברחבות תתן קולה׃

  8. מִשְׁלֵי א׳:כ״א

    בראש המיות תקרא בפתחי שערים בעיר אמריה תאמר׃

  9. מִשְׁלֵי א׳:כ״ב

    עד מתי פתים תאהבו פתי ולצים לצון חמדו להם וכסילים ישנאו דעת׃

  10. מִשְׁלֵי א׳:כ״ג

    תשובו לתוכחתי הנה אביעה לכם רוחי אודיעה דברי אתכם׃

  11. מִשְׁלֵי א׳:כ״ד

    יען קראתי ותמאנו נטיתי ידי ואין מקשיב׃

  12. מִשְׁלֵי א׳:כ״ה

    ותפרעו כל עצתי ותוכחתי לא אביתם׃

  13. מִשְׁלֵי א׳:כ״ו

    גם אני באידכם אשחק אלעג בבא פחדכם׃

  14. מִשְׁלֵי א׳:כ״ז

    בבא כשאוה פחדכם ואידכם כסופה יאתה בבא עליכם צרה וצוקה׃

  15. מִשְׁלֵי א׳:כ״ח

    אז יקראנני ולא אענה ישחרנני ולא ימצאנני׃

  16. מִשְׁלֵי א׳:כ״ט

    תחת כי שנאו דעת ויראת יהוה לא בחרו׃

  17. מִשְׁלֵי א׳:ל׳

    לא אבו לעצתי נאצו כל תוכחתי׃

  18. מִשְׁלֵי א׳:ל״א

    ויאכלו מפרי דרכם וממעצתיהם ישבעו׃

  19. מִשְׁלֵי א׳:ל״ב

    כי משובת פתים תהרגם ושלות כסילים תאבדם׃

  20. יִרְמְיָהוּ כ״ו:ד׳

    ואמרת אליהם כה אמר יהוה אם לא תשמעו אלי ללכת בתורתי אשר נתתי לפניכם׃

  21. יִרְמְיָהוּ כ״ו:ה׳

    לשמע על דברי עבדי הנבאים אשר אנכי שלח אליכם והשכם ושלח ולא שמעתם׃

  22. יִרְמְיָהוּ כ״ו:ו׳

    ונתתי את הבית הזה כשלה ואת העיר הזאתה אתן לקללה לכל גויי הארץ׃

  23. זְכַרְיָה ז׳:י״ב

    ולבם שמו שמיר משמוע את התורה ואת הדברים אשר שלח יהוה צבאות ברוחו ביד הנביאים הראשנים ויהי קצף גדול מאת יהוה צבאות׃

  24. זְכַרְיָה ז׳:י״ג

    ויהי כאשר קרא ולא שמעו כן יקראו ולא אשמע אמר יהוה צבאות׃

  25. זְכַרְיָה ז׳:י״ד

    ואסערם על כל הגוים אשר לא ידעום והארץ נשמה אחריהם מעבר ומשב וישימו ארץ חמדה לשמה׃