פסוקים על The Affections

ושמעת ישראל ושמרת לעשות אשר ייטב לך ואשר תרבון מאד כאשר דבר יהוה אלהי אבתיך לך ארץ זבת חלב ודבש׃

ועוד ברצותי בבית אלהי יש לי סגלה זהב וכסף נתתי לבית אלהי למעלה מכל הכינותי לבית הקדש׃

לקדושים אשר בארץ המה ואדירי כל חפצי בם׃

פקודי יהוה ישרים משמחי לב מצות יהוה ברה מאירת עינים׃

יראת יהוה טהורה עומדת לעד משפטי יהוה אמת צדקו יחדו׃

הנחמדים מזהב ומפז רב ומתוקים מדבש ונפת צופים׃

יהוה אהבתי מעון ביתך ומקום משכן כבודך׃

אחת שאלתי מאת יהוה אותה אבקש שבתי בבית יהוה כל ימי חיי לחזות בנעם יהוה ולבקר בהיכלו׃

¶ למנצח משכיל לבני קרח כאיל תערג על אפיקי מים כן נפשי תערג אליך אלהים׃

כי קנאת ביתך אכלתני וחרפות חורפיך נפלו עלי׃

מי לי בשמים ועמך לא חפצתי בארץ׃

¶ למנצח על הגתית לבני קרח מזמור מה ידידות משכנותיך יהוה צבאות׃

נכספה וגם כלתה נפשי לחצרות יהוה לבי ובשרי ירננו אל אל חי׃

כי בי חשק ואפלטהו אשגבהו כי ידע שמי׃

ויאמינו בדבריו ישירו תהלתו׃

מהרו שכחו מעשיו לא חכו לעצתו׃

בכל לבי דרשתיך אל תשגני ממצותיך׃

גרסה נפשי לתאבה אל משפטיך בכל עת׃

מה אהבתי תורתך כל היום היא שיחתי׃

מה נמלצו לחכי אמרתך מדבש לפי׃

צמתתני קנאתי כי שכחו דבריך צרי׃

שמרה נפשי עדתיך ואהבם מאד׃

¶ קרא בגרון אל תחשך כשופר הרם קולך והגד לעמי פשעם ולבית יעקב חטאתם׃

ואותי יום יום ידרשון ודעת דרכי יחפצון כגוי אשר צדקה עשה ומשפט אלהיו לא עזב ישאלוני משפטי צדק קרבת אלהים יחפצון׃

ויבואו אליך כמבוא עם וישבו לפניך עמי ושמעו את דבריך ואותם לא יעשו כי עגבים בפיהם המה עשים אחרי בצעם לבם הלך׃