פסוקים על Swearing Falsely: Zedekiah

7 פסוקים · 17 היבטים

פסוקים על Zedekiah

יְחֶזְקֵאל י״ז:י״ג
ויקח מזרע המלוכה ויכרת אתו ברית ויבא אתו באלה ואת אילי הארץ לקח׃
יְחֶזְקֵאל י״ז:י״ד
להיות ממלכה שפלה לבלתי התנשא לשמר את בריתו לעמדה׃
יְחֶזְקֵאל י״ז:ט״ו
וימרד בו לשלח מלאכיו מצרים לתת לו סוסים ועם רב היצלח הימלט העשה אלה והפר ברית ונמלט׃
יְחֶזְקֵאל י״ז:ט״ז
חי אני נאם אדני יהוה אם לא במקום המלך הממליך אתו אשר בזה את אלתו ואשר הפר את בריתו אתו בתוך בבל ימות׃
יְחֶזְקֵאל י״ז:י״ז
ולא בחיל גדול ובקהל רב יעשה אותו פרעה במלחמה בשפך סללה ובבנות דיק להכרית נפשות רבות׃
יְחֶזְקֵאל י״ז:י״ח
ובזה אלה להפר ברית והנה נתן ידו וכל אלה עשה לא ימלט׃
יְחֶזְקֵאל י״ז:י״ט
לכן כה אמר אדני יהוה חי אני אם לא אלתי אשר בזה ובריתי אשר הפיר ונתתיו בראשו׃