פסוקים על Smith

24 פסוקים · 6 היבטים

פסוקי מפתח

בְּרֵאשִׁית ד׳:כ״ב
וצלה גם הוא ילדה את תובל קין לטש כל חרש נחשת וברזל ואחות תובל קין נעמה׃
שְׁמֹות ל״א:א׳
¶ וידבר יהוה אל משה לאמר׃
שְׁמֹות ל״א:ב׳
ראה קראתי בשם בצלאל בן אורי בן חור למטה יהודה׃
שְׁמֹות ל״א:ג׳
ואמלא אתו רוח אלהים בחכמה ובתבונה ובדעת ובכל מלאכה׃
שְׁמֹות ל״א:ד׳
לחשב מחשבת לעשות בזהב ובכסף ובנחשת׃
שְׁמֹות ל״א:ה׳
ובחרשת אבן למלאת ובחרשת עץ לעשות בכל מלאכה׃
שְׁמֹות ל״א:ו׳
ואני הנה נתתי אתו את אהליאב בן אחיסמך למטה דן ובלב כל חכם לב נתתי חכמה ועשו את כל אשר צויתך׃
שְׁמֹות ל״א:ז׳
את אהל מועד ואת הארן לעדת ואת הכפרת אשר עליו ואת כל כלי האהל׃
שְׁמֹות ל״א:ח׳
ואת השלחן ואת כליו ואת המנרה הטהרה ואת כל כליה ואת מזבח הקטרת׃
שְׁמֹות ל״א:ט׳
ואת מזבח העלה ואת כל כליו ואת הכיור ואת כנו׃
שְׁמֹות ל״א:י׳
ואת בגדי השרד ואת בגדי הקדש לאהרן הכהן ואת בגדי בניו לכהן׃
שְׁמֹות ל״א:י״א
ואת שמן המשחה ואת קטרת הסמים לקדש ככל אשר צויתך יעשו׃
שְׁמֹות ל״ה:ל׳
ויאמר משה אל בני ישראל ראו קרא יהוה בשם בצלאל בן אורי בן חור למטה יהודה׃
שְׁמֹות ל״ה:ל״א
וימלא אתו רוח אלהים בחכמה בתבונה ובדעת ובכל מלאכה׃
שְׁמֹות ל״ה:ל״ב
ולחשב מחשבת לעשת בזהב ובכסף ובנחשת׃
שְׁמֹות ל״ה:ל״ג
ובחרשת אבן למלאת ובחרשת עץ לעשות בכל מלאכת מחשבת׃
שְׁמֹות ל״ה:ל״ד
ולהורת נתן בלבו הוא ואהליאב בן אחיסמך למטה דן׃
שְׁמֹות ל״ה:ל״ה
מלא אתם חכמת לב לעשות כל מלאכת חרש וחשב ורקם בתכלת ובארגמן בתולעת השני ובשש וארג עשי כל מלאכה וחשבי מחשבת׃
1 שְׁמוּאֵל י״ג:י״ט
וחרש לא ימצא בכל ארץ ישראל כי אמר פלשתים פן יעשו העברים חרב או חנית׃
2 מְלָכִים כ״ד:י״ד
והגלה את כל ירושלם ואת כל השרים ואת כל גבורי החיל עשרה אלפים גולה וכל החרש והמסגר לא נשאר זולת דלת עם הארץ׃
יְשַׁעְיָהוּ מ״א:ז׳
ויחזק חרש את צרף מחליק פטיש את הולם פעם אמר לדבק טוב הוא ויחזקהו במסמרים לא ימוט׃
יְשַׁעְיָהוּ מ״ד:י״ב
חרש ברזל מעצד ופעל בפחם ובמקבות יצרהו ויפעלהו בזרוע כחו גם רעב ואין כח לא שתה מים וייעף׃
יְשַׁעְיָהוּ נ״ד:ט״ז
הן אנכי בראתי חרש נפח באש פחם ומוציא כלי למעשהו ואנכי בראתי משחית לחבל׃
יִרְמְיָהוּ כ״ד:א׳
¶ הראני יהוה והנה שני דודאי תאנים מועדים לפני היכל יהוה אחרי הגלות נבוכדראצר מלך בבל את יכניהו בן יהויקים מלך יהודה ואת שרי יהודה ואת החרש ואת המסגר מירושלם ויבאם בבל׃