פסוקים על Smith: Bezaleel

11 פסוקים · 6 היבטים

פסוקים על Bezaleel

  1. שְׁמֹות ל״א:א׳

    ¶ וידבר יהוה אל משה לאמר׃

  2. שְׁמֹות ל״א:ב׳

    ראה קראתי בשם בצלאל בן אורי בן חור למטה יהודה׃

  3. שְׁמֹות ל״א:ג׳

    ואמלא אתו רוח אלהים בחכמה ובתבונה ובדעת ובכל מלאכה׃

  4. שְׁמֹות ל״א:ד׳

    לחשב מחשבת לעשות בזהב ובכסף ובנחשת׃

  5. שְׁמֹות ל״א:ה׳

    ובחרשת אבן למלאת ובחרשת עץ לעשות בכל מלאכה׃

  6. שְׁמֹות ל״א:ו׳

    ואני הנה נתתי אתו את אהליאב בן אחיסמך למטה דן ובלב כל חכם לב נתתי חכמה ועשו את כל אשר צויתך׃

  7. שְׁמֹות ל״א:ז׳

    את אהל מועד ואת הארן לעדת ואת הכפרת אשר עליו ואת כל כלי האהל׃

  8. שְׁמֹות ל״א:ח׳

    ואת השלחן ואת כליו ואת המנרה הטהרה ואת כל כליה ואת מזבח הקטרת׃

  9. שְׁמֹות ל״א:ט׳

    ואת מזבח העלה ואת כל כליו ואת הכיור ואת כנו׃

  10. שְׁמֹות ל״א:י׳

    ואת בגדי השרד ואת בגדי הקדש לאהרן הכהן ואת בגדי בניו לכהן׃

  11. שְׁמֹות ל״א:י״א

    ואת שמן המשחה ואת קטרת הסמים לקדש ככל אשר צויתך יעשו׃