פסוקים על Siege

17 פסוקים · 4 היבטים

פסוקי מפתח

  1. דְּבָרִים כ׳:י׳

    כי תקרב אל עיר להלחם עליה וקראת אליה לשלום׃

  2. דְּבָרִים כ׳:י״א

    והיה אם שלום תענך ופתחה לך והיה כל העם הנמצא בה יהיו לך למס ועבדוך׃

  3. דְּבָרִים כ׳:י״ב

    ואם לא תשלים עמך ועשתה עמך מלחמה וצרת עליה׃

  4. דְּבָרִים כ׳:י״ט

    כי תצור אל עיר ימים רבים להלחם עליה לתפשה לא תשחית את עצה לנדח עליו גרזן כי ממנו תאכל ואתו לא תכרת כי האדם עץ השדה לבא מפניך במצור׃

  5. דְּבָרִים כ׳:כ׳

    רק עץ אשר תדע כי לא עץ מאכל הוא אתו תשחית וכרת ובנית מצור על העיר אשר הוא עשה עמך מלחמה עד רדתה׃

  6. 2 מְלָכִים ו׳:כ״ד

    ויהי אחרי כן ויקבץ בן הדד מלך ארם את כל מחנהו ויעל ויצר על שמרון׃

  7. 2 מְלָכִים ו׳:כ״ה

    ויהי רעב גדול בשמרון והנה צרים עליה עד היות ראש חמור בשמנים כסף ורבע הקב חרייונים בחמשה כסף׃

  8. 2 מְלָכִים ו׳:כ״ו

    ויהי מלך ישראל עבר על החמה ואשה צעקה אליו לאמר הושיעה אדני המלך׃

  9. 2 מְלָכִים ו׳:כ״ז

    ויאמר אל יושעך יהוה מאין אושיעך המן הגרן או מן היקב׃

  10. 2 מְלָכִים ו׳:כ״ח

    ויאמר לה המלך מה לך ותאמר האשה הזאת אמרה אלי תני את בנך ונאכלנו היום ואת בני נאכל מחר׃

  11. 2 מְלָכִים ו׳:כ״ט

    ונבשל את בני ונאכלהו ואמר אליה ביום האחר תני את בנך ונאכלנו ותחבא את בנה׃

  12. 2 מְלָכִים כ״ה:ג׳

    בתשעה לחדש ויחזק הרעב בעיר ולא היה לחם לעם הארץ׃

  13. יְשַׁעְיָהוּ ט׳:כ׳

    ויגזר על ימין ורעב ויאכל על שמאול ולא שבעו איש בשר זרעו יאכלו׃

  14. יְשַׁעְיָהוּ כ״ט:ג׳

    וחניתי כדור עליך וצרתי עליך מצב והקימתי עליך מצרת׃

  15. יְשַׁעְיָהוּ ל״ו:י״ב

    ויאמר רב שקה האל אדניך ואליך שלחני אדני לדבר את הדברים האלה הלא על האנשים הישבים על החומה לאכל את חראיהם ולשתות את שיניהם עמכם׃

  16. יְשַׁעְיָהוּ ל״ז:ל״ג

    לכן כה אמר יהוה אל מלך אשור לא יבוא אל העיר הזאת ולא יורה שם חץ ולא יקדמנה מגן ולא ישפך עליה סללה׃

  17. יִרְמְיָהוּ י״ט:ט׳

    והאכלתים את בשר בניהם ואת בשר בנתיהם ואיש בשר רעהו יאכלו במצור ובמצוק אשר יציקו להם איביהם ומבקשי נפשם׃