פסוקים על Seven

22 פסוקים · 1 היבט

פסוקי מפתח

  1. וַיִּקְרָא כ״ג:כ״ד

    דבר אל בני ישראל לאמר בחדש השביעי באחד לחדש יהיה לכם שבתון זכרון תרועה מקרא קדש׃

  2. וַיִּקְרָא כ״ג:כ״ה

    כל מלאכת עבדה לא תעשו והקרבתם אשה ליהוה׃

  3. וַיִּקְרָא כ״ג:כ״ו

    וידבר יהוה אל משה לאמר׃

  4. וַיִּקְרָא כ״ג:כ״ז

    אך בעשור לחדש השביעי הזה יום הכפרים הוא מקרא קדש יהיה לכם ועניתם את נפשתיכם והקרבתם אשה ליהוה׃

  5. וַיִּקְרָא כ״ג:כ״ח

    וכל מלאכה לא תעשו בעצם היום הזה כי יום כפרים הוא לכפר עליכם לפני יהוה אלהיכם׃

  6. וַיִּקְרָא כ״ג:כ״ט

    כי כל הנפש אשר לא תענה בעצם היום הזה ונכרתה מעמיה׃

  7. וַיִּקְרָא כ״ג:ל׳

    וכל הנפש אשר תעשה כל מלאכה בעצם היום הזה והאבדתי את הנפש ההוא מקרב עמה׃

  8. וַיִּקְרָא כ״ג:ל״א

    כל מלאכה לא תעשו חקת עולם לדרתיכם בכל משבתיכם׃

  9. וַיִּקְרָא כ״ג:ל״ב

    שבת שבתון הוא לכם ועניתם את נפשתיכם בתשעה לחדש בערב מערב עד ערב תשבתו שבתכם׃

  10. וַיִּקְרָא כ״ג:ל״ג

    וידבר יהוה אל משה לאמר׃

  11. וַיִּקְרָא כ״ג:ל״ד

    דבר אל בני ישראל לאמר בחמשה עשר יום לחדש השביעי הזה חג הסכות שבעת ימים ליהוה׃

  12. וַיִּקְרָא כ״ג:ל״ה

    ביום הראשון מקרא קדש כל מלאכת עבדה לא תעשו׃

  13. וַיִּקְרָא כ״ג:ל״ו

    שבעת ימים תקריבו אשה ליהוה ביום השמיני מקרא קדש יהיה לכם והקרבתם אשה ליהוה עצרת הוא כל מלאכת עבדה לא תעשו׃

  14. וַיִּקְרָא כ״ג:ל״ז

    אלה מועדי יהוה אשר תקראו אתם מקראי קדש להקריב אשה ליהוה עלה ומנחה זבח ונסכים דבר יום ביומו׃

  15. וַיִּקְרָא כ״ג:ל״ח

    מלבד שבתת יהוה ומלבד מתנותיכם ומלבד כל נדריכם ומלבד כל נדבותיכם אשר תתנו ליהוה׃

  16. וַיִּקְרָא כ״ג:ל״ט

    אך בחמשה עשר יום לחדש השביעי באספכם את תבואת הארץ תחגו את חג יהוה שבעת ימים ביום הראשון שבתון וביום השמיני שבתון׃

  17. וַיִּקְרָא כ״ג:מ׳

    ולקחתם לכם ביום הראשון פרי עץ הדר כפת תמרים וענף עץ עבת וערבי נחל ושמחתם לפני יהוה אלהיכם שבעת ימים׃

  18. וַיִּקְרָא כ״ג:מ״א

    וחגתם אתו חג ליהוה שבעת ימים בשנה חקת עולם לדרתיכם בחדש השביעי תחגו אתו׃

  19. וַיִּקְרָא כ״ג:מ״ב

    בסכת תשבו שבעת ימים כל האזרח בישראל ישבו בסכת׃

  20. וַיִּקְרָא כ״ג:מ״ג

    למען ידעו דרתיכם כי בסכות הושבתי את בני ישראל בהוציאי אותם מארץ מצרים אני יהוה אלהיכם׃

  21. וַיִּקְרָא כ״ג:מ״ד

    וידבר משה את מעדי יהוה אל בני ישראל׃

  22. יְחֶזְקֵאל מ״ה:כ״ה

    בשביעי בחמשה עשר יום לחדש בחג יעשה כאלה שבעת הימים כחטאת כעלה וכמנחה וכשמן׃