פסוקים על Reward

166 פסוקים · 1 היבט

פסוקי מפתח

סינון לפי ספר
  1. וַיִּקְרָא כ״ו:כ״ד

    והלכתי אף אני עמכם בקרי והכיתי אתכם גם אני שבע על חטאתיכם׃

  2. וַיִּקְרָא כ״ו:כ״ה

    והבאתי עליכם חרב נקמת נקם ברית ונאספתם אל עריכם ושלחתי דבר בתוככם ונתתם ביד אויב׃

  3. וַיִּקְרָא כ״ו:כ״ו

    בשברי לכם מטה לחם ואפו עשר נשים לחמכם בתנור אחד והשיבו לחמכם במשקל ואכלתם ולא תשבעו׃

  4. וַיִּקְרָא כ״ו:כ״ז

    ואם בזאת לא תשמעו לי והלכתם עמי בקרי׃

  5. וַיִּקְרָא כ״ו:כ״ח

    והלכתי עמכם בחמת קרי ויסרתי אתכם אף אני שבע על חטאתיכם׃

  6. וַיִּקְרָא כ״ו:כ״ט

    ואכלתם בשר בניכם ובשר בנתיכם תאכלו׃

  7. וַיִּקְרָא כ״ו:ל׳

    והשמדתי את במתיכם והכרתי את חמניכם ונתתי את פגריכם על פגרי גלוליכם וגעלה נפשי אתכם׃

  8. וַיִּקְרָא כ״ו:ל״א

    ונתתי את עריכם חרבה והשמותי את מקדשיכם ולא אריח בריח ניחחכם׃

  9. וַיִּקְרָא כ״ו:ל״ב

    והשמתי אני את הארץ ושממו עליה איביכם הישבים בה׃

  10. וַיִּקְרָא כ״ו:ל״ג

    ואתכם אזרה בגוים והריקתי אחריכם חרב והיתה ארצכם שממה ועריכם יהיו חרבה׃

  11. וַיִּקְרָא כ״ו:ל״ד

    אז תרצה הארץ את שבתתיה כל ימי השמה ואתם בארץ איביכם אז תשבת הארץ והרצת את שבתתיה׃

  12. וַיִּקְרָא כ״ו:ל״ה

    כל ימי השמה תשבת את אשר לא שבתה בשבתתיכם בשבתכם עליה׃

  13. וַיִּקְרָא כ״ו:ל״ו

    והנשארים בכם והבאתי מרך בלבבם בארצת איביהם ורדף אתם קול עלה נדף ונסו מנסת חרב ונפלו ואין רדף׃

  14. וַיִּקְרָא כ״ו:ל״ז

    וכשלו איש באחיו כמפני חרב ורדף אין ולא תהיה לכם תקומה לפני איביכם׃

  15. וַיִּקְרָא כ״ו:ל״ח

    ואבדתם בגוים ואכלה אתכם ארץ איביכם׃

  16. וַיִּקְרָא כ״ו:ל״ט

    והנשארים בכם ימקו בעונם בארצת איביכם ואף בעונת אבתם אתם ימקו׃

  17. וַיִּקְרָא כ״ו:מ׳

    והתודו את עונם ואת עון אבתם במעלם אשר מעלו בי ואף אשר הלכו עמי בקרי׃

  18. וַיִּקְרָא כ״ו:מ״א

    אף אני אלך עמם בקרי והבאתי אתם בארץ איביהם או אז יכנע לבבם הערל ואז ירצו את עונם׃

  19. וַיִּקְרָא כ״ו:מ״ב

    וזכרתי את בריתי יעקוב ואף את בריתי יצחק ואף את בריתי אברהם אזכר והארץ אזכר׃

  20. וַיִּקְרָא כ״ו:מ״ג

    והארץ תעזב מהם ותרץ את שבתתיה בהשמה מהם והם ירצו את עונם יען וביען במשפטי מאסו ואת חקתי געלה נפשם׃

  21. וַיִּקְרָא כ״ו:מ״ד

    ואף גם זאת בהיותם בארץ איביהם לא מאסתים ולא געלתים לכלתם להפר בריתי אתם כי אני יהוה אלהיהם׃

  22. וַיִּקְרָא כ״ו:מ״ה

    וזכרתי להם ברית ראשנים אשר הוצאתי אתם מארץ מצרים לעיני הגוים להית להם לאלהים אני יהוה׃

  23. דְּבָרִים ד׳:מ׳

    ושמרת את חקיו ואת מצותיו אשר אנכי מצוך היום אשר ייטב לך ולבניך אחריך ולמען תאריך ימים על האדמה אשר יהוה אלהיך נתן לך כל הימים׃

  24. דְּבָרִים ו׳:ג׳

    ושמעת ישראל ושמרת לעשות אשר ייטב לך ואשר תרבון מאד כאשר דבר יהוה אלהי אבתיך לך ארץ זבת חלב ודבש׃

  25. דְּבָרִים ו׳:י״ח

    ועשית הישר והטוב בעיני יהוה למען ייטב לך ובאת וירשת את הארץ הטבה אשר נשבע יהוה לאבתיך׃