פסוקים על Rechab

9 פסוקים · 2 היבטים

פסוקי מפתח

  1. 2 שְׁמוּאֵל ד׳:ה׳

    וילכו בני רמון הבארתי רכב ובענה ויבאו כחם היום אל בית איש בשת והוא שכב את משכב הצהרים׃

  2. 2 שְׁמוּאֵל ד׳:ו׳

    והנה באו עד תוך הבית לקחי חטים ויכהו אל החמש ורכב ובענה אחיו נמלטו׃

  3. 2 שְׁמוּאֵל ד׳:ז׳

    ויבאו הבית והוא שכב על מטתו בחדר משכבו ויכהו וימתהו ויסירו את ראשו ויקחו את ראשו וילכו דרך הערבה כל הלילה׃

  4. 2 שְׁמוּאֵל ד׳:ח׳

    ויבאו את ראש איש בשת אל דוד חברון ויאמרו אל המלך הנה ראש איש בשת בן שאול איבך אשר בקש את נפשך ויתן יהוה לאדני המלך נקמות היום הזה משאול ומזרעו׃

  5. 2 שְׁמוּאֵל ד׳:ט׳

    ויען דוד את רכב ואת בענה אחיו בני רמון הבארתי ויאמר להם חי יהוה אשר פדה את נפשי מכל צרה׃

  6. 2 שְׁמוּאֵל ד׳:י׳

    כי המגיד לי לאמר הנה מת שאול והוא היה כמבשר בעיניו ואחזה בו ואהרגהו בצקלג אשר לתתי לו בשרה׃

  7. 2 שְׁמוּאֵל ד׳:י״א

    אף כי אנשים רשעים הרגו את איש צדיק בביתו על משכבו ועתה הלוא אבקש את דמו מידכם ובערתי אתכם מן הארץ׃

  8. 2 שְׁמוּאֵל ד׳:י״ב

    ויצו דוד את הנערים ויהרגום ויקצצו את ידיהם ואת רגליהם ויתלו על הברכה בחברון ואת ראש איש בשת לקחו ויקברו בקבר אבנר בחברון׃

  9. נחמיה ג׳:י״ד

    ואת שער האשפות החזיק מלכיה בן רכב שר פלך בית הכרם הוא יבננו ויעמיד דלתתיו מנעליו ובריחיו׃