פסוקים על Public Prayer: Solomon

42 פסוקים · 21 היבטים

פסוקים על Solomon

2 דִּבְרֵי הַיָּמִים ו׳:א׳
¶ אז אמר שלמה יהוה אמר לשכון בערפל׃
2 דִּבְרֵי הַיָּמִים ו׳:ב׳
ואני בניתי בית זבל לך ומכון לשבתך עולמים׃
2 דִּבְרֵי הַיָּמִים ו׳:ג׳
ויסב המלך את פניו ויברך את כל קהל ישראל וכל קהל ישראל עומד׃
2 דִּבְרֵי הַיָּמִים ו׳:ד׳
ויאמר ברוך יהוה אלהי ישראל אשר דבר בפיו את דויד אבי ובידיו מלא לאמר׃
2 דִּבְרֵי הַיָּמִים ו׳:ה׳
מן היום אשר הוצאתי את עמי מארץ מצרים לא בחרתי בעיר מכל שבטי ישראל לבנות בית להיות שמי שם ולא בחרתי באיש להיות נגיד על עמי ישראל׃
2 דִּבְרֵי הַיָּמִים ו׳:ו׳
ואבחר בירושלם להיות שמי שם ואבחר בדויד להיות על עמי ישראל׃
2 דִּבְרֵי הַיָּמִים ו׳:ז׳
ויהי עם לבב דויד אבי לבנות בית לשם יהוה אלהי ישראל׃
2 דִּבְרֵי הַיָּמִים ו׳:ח׳
ויאמר יהוה אל דויד אבי יען אשר היה עם לבבך לבנות בית לשמי הטיבות כי היה עם לבבך׃
2 דִּבְרֵי הַיָּמִים ו׳:ט׳
רק אתה לא תבנה הבית כי בנך היוצא מחלציך הוא יבנה הבית לשמי׃
2 דִּבְרֵי הַיָּמִים ו׳:י׳
ויקם יהוה את דברו אשר דבר ואקום תחת דויד אבי ואשב על כסא ישראל כאשר דבר יהוה ואבנה הבית לשם יהוה אלהי ישראל׃
2 דִּבְרֵי הַיָּמִים ו׳:י״א
ואשים שם את הארון אשר שם ברית יהוה אשר כרת עם בני ישראל׃
2 דִּבְרֵי הַיָּמִים ו׳:י״ב
ויעמד לפני מזבח יהוה נגד כל קהל ישראל ויפרש כפיו׃
2 דִּבְרֵי הַיָּמִים ו׳:י״ג
כי עשה שלמה כיור נחשת ויתנהו בתוך העזרה חמש אמות ארכו וחמש אמות רחבו ואמות שלוש קומתו ויעמד עליו ויברך על ברכיו נגד כל קהל ישראל ויפרש כפיו השמימה׃
2 דִּבְרֵי הַיָּמִים ו׳:י״ד
ויאמר יהוה אלהי ישראל אין כמוך אלהים בשמים ובארץ שמר הברית והחסד לעבדיך ההלכים לפניך בכל לבם׃
2 דִּבְרֵי הַיָּמִים ו׳:ט״ו
אשר שמרת לעבדך דויד אבי את אשר דברת לו ותדבר בפיך ובידך מלאת כיום הזה׃
2 דִּבְרֵי הַיָּמִים ו׳:ט״ז
ועתה יהוה אלהי ישראל שמר לעבדך דויד אבי את אשר דברת לו לאמר לא יכרת לך איש מלפני יושב על כסא ישראל רק אם ישמרו בניך את דרכם ללכת בתורתי כאשר הלכת לפני׃
2 דִּבְרֵי הַיָּמִים ו׳:י״ז
ועתה יהוה אלהי ישראל יאמן דברך אשר דברת לעבדך לדויד׃
2 דִּבְרֵי הַיָּמִים ו׳:י״ח
כי האמנם ישב אלהים את האדם על הארץ הנה שמים ושמי השמים לא יכלכלוך אף כי הבית הזה אשר בניתי׃
2 דִּבְרֵי הַיָּמִים ו׳:י״ט
ופנית אל תפלת עבדך ואל תחנתו יהוה אלהי לשמע אל הרנה ואל התפלה אשר עבדך מתפלל לפניך׃
2 דִּבְרֵי הַיָּמִים ו׳:כ׳
להיות עיניך פתחות אל הבית הזה יומם ולילה אל המקום אשר אמרת לשום שמך שם לשמוע אל התפלה אשר יתפלל עבדך אל המקום הזה׃
2 דִּבְרֵי הַיָּמִים ו׳:כ״א
ושמעת אל תחנוני עבדך ועמך ישראל אשר יתפללו אל המקום הזה ואתה תשמע ממקום שבתך מן השמים ושמעת וסלחת׃
2 דִּבְרֵי הַיָּמִים ו׳:כ״ב
אם יחטא איש לרעהו ונשא בו אלה להאלתו ובא אלה לפני מזבחך בבית הזה׃
2 דִּבְרֵי הַיָּמִים ו׳:כ״ג
ואתה תשמע מן השמים ועשית ושפטת את עבדיך להשיב לרשע לתת דרכו בראשו ולהצדיק צדיק לתת לו כצדקתו׃
2 דִּבְרֵי הַיָּמִים ו׳:כ״ד
ואם ינגף עמך ישראל לפני אויב כי יחטאו לך ושבו והודו את שמך והתפללו והתחננו לפניך בבית הזה׃
2 דִּבְרֵי הַיָּמִים ו׳:כ״ה
ואתה תשמע מן השמים וסלחת לחטאת עמך ישראל והשיבותם אל האדמה אשר נתתה להם ולאבתיהם׃

מציג 1–25 מתוך 42 פסוקים

1 2 הבא